గ‌రుడ‌వేగ‌తో ఫామ్‌లోకి వ‌చ్చాడు రాజ‌శేఖ‌ర్‌. ఎన్నో ఏళ్ల నుంచి ఎదురుచూస్తున్న హిట్‌... రాజ‌శేఖ‌ర్ వ‌శ‌మైంది. ఆ త‌ర‌వాత ఆచి తూచి క‌థ‌ల్ని ఎంచుకోవ‌డం మొద‌లెట్టాడు. అందులో భాగంగా 'క‌ల్కి'కి గ్రీన్ సిగ్న‌ల్ ఇచ్చాడు. 'అ'లాంటి ప్ర‌యోగాత్మ‌క చిత్రంతో ఆక‌ట్టుకున్న ప్ర‌శాంత్ వ‌ర్మ ద‌ర్శ‌కుడు. రాజ‌శేఖ‌ర్ కోసం ఓ విభిన్న క‌థ‌ని త‌యారు చేశాడు. అదే.. 'కల్కి'.

ఈ ద‌స‌రా సంద‌ర్భంగా షూటింగ్ మొద‌లైంది. తాజా స‌మాచారం ప్ర‌కారం 'క‌ల్కి'లో క‌థానాయిక‌లెవ‌రు? అనే విష‌యం ఖ‌రారైపోయింది.  ఇందులో ఇద్ద‌రు నాయిక‌లుంటారు. ఓ స్థానం ఆదా శ‌ర్మ‌కి ద‌క్కింది. మ‌రో క‌థానాయిక‌గా 'బాహుబ‌లి' ఐటెమ్ గాళ్ స్కార్లెట్ విల్స‌న్‌ని ఎంపిక చేశారు.  

ఇప్ప‌టి వ‌ర‌కూ ఐటెమ్ పాట‌ల‌తో కిర్రెక్కించిన స్కార్లెట్ కి ఫుల్ టైమ్ హీరోయిన్ పాత్ర దొరికిన‌ట్టైంది. 1980 నేప‌థ్యంలో సాగే క‌థ ఇది. సి.క‌ల్యాణ్‌, శివానీ, శివాత్మిక నిర్మాత‌లుగా వ్య‌వ‌హ‌రిస్తున్నారు. 2019 ఫిబ్ర‌వ‌రిలో ఈ చిత్రాన్ని విడుద‌ల చేస్తార‌ని స‌మాచారం.