సెల్వ రాఘవన్‌ దర్శకత్వంలో తమిళ హీరో సూర్య ఓ సినిమాలో నటిస్తున్నాడు. తమిళ, తెలుగు భాషల్లో ఈ సినిమా తెరకెక్కుతోంది. సూర్యకి ఈ సినిమా 36వ సినిమా కావడం విశేషం. డ్రీమ్‌ వ్యారియర్‌ బ్యానర్‌లో ఈ సినిమా తెరకెక్కుతోంది. భారీ బడ్జెట్‌ మూవీగా తెరకెక్కుతోన్న సినిమా ఇది. సెల్వరాఘవన్‌ సినిమాలన్నీ చాలా డిఫరెంట్‌గా ఉంటాయి. రెగ్యులర్‌ ఫార్మేట్‌కి విభిన్నంగా ఉంటాయి ఆయన చిత్రాలు. వాటిలో చాలా సింపుల్‌గా ప్రేక్షకులకి రీచ్‌ అయ్యే సినిమాలు కొన్ని, టిపికల్‌ సబ్జెక్ట్‌ సినిమాలు కొన్ని. వేటికవే ప్రాధాన్యత గల్గిన సినిమాలు సెల్వరాఘవన్‌వి. అందుకే సెల్వ సినిమాలకు తమిళ, తెలుగు భాషల్లో ఆదరణ ఉంది. ఎ.ఎం రత్నం కొడుకు హీరోగా తెరకెక్కిన '7జి బృందావన కాలనీ', వెంకటేష్‌ హీరోగా వచ్చిన 'ఆడవారి మాటలకు ఆర్దాలే వేరులే' తదితర సినిమాలు ఆయన దర్శకత్వంలో తెరకెక్కినవే. ఒక సబ్జెక్ట్‌కీ, మరో సబ్జెక్ట్‌కీ అస్సలు పొంతన ఉండదు. పోలిక ఉండదు. అదే సెల్ల ప్రత్యేకత. ఇప్పుడు హీరో సూర్యతో కూడా అలాంటి విభిన్న తరహా చిత్రమే తెరకెక్కిస్తున్నాడు. సూర్య కెరీర్‌లో ఈ సినిమా చాలా విభిన్నంగా ఉండనుందట. ఈ సినిమాని జనవరిలో స్టార్ట్‌ చేయనున్నారు. వచ్చే ఏడాది దీపావళిికి ఈ చిత్రం విడుదల కానుంది. కాగా సూర్య హీరో కార్తీతో 'యుగానికి ఒక్కడు' తెరకెక్కించింది కూడా సెల్ల రాఘవనే. ఆ సినిమాతో కార్తీ తెరంగేట్రం చేశాడు. చాలా మంచి గుర్తింపు తీస్కొచ్చింది కార్తీకి ఆ సినిమా.