జ‌బ‌ర్‌ద‌స్త్ తో పాపుల‌ర్ అయ్యాడు ష‌క‌ల‌క శంక‌ర్‌. ఆ త‌ర‌వాత వెండి తెర‌పైనా మెరిశాడు. త‌ను పవ‌న్‌కి వీరాభిమాని. ఈ విష‌యం చాలా సంద‌ర్భాల్లో రుజువైంది కూడా. ఇప్పుడు ప‌వ‌న్‌పై త‌న‌కున్న ప్రేమ‌ని ఓ వెబ్ సిరీస్ ద్వారా చూపించ‌బోతున్నాడు. ఆ వెబ్ సిరీస్ పేరే... `డే రా బాబా`. రాంగోపాల్ వ‌ర్మ‌పై తీస్తున్న సెటైరిక‌ల్ వెబ్ సిరీస్ ఇది.

ప‌వ‌న్ క‌ల్యాణ్‌పై `ప‌వ‌ర్ స్టార్` సినిమా తీస్తున్నా అని ప్ర‌క‌టించిన‌ప్ప‌టినుంచీ.. ప‌వ‌న్ ఫ్యాన్స్ ఏదోలా వ‌ర్మ‌ని ఇరుకున పెట్ట‌డానికి ప్ర‌య‌త్నిస్తూనే ఉన్నారు. నూత‌న్ నాయుడు `ప‌రాన్న‌జీవి` అనే సినిమా మొద‌లెట్టాడు. ఇప్పుడు ష‌క‌ల‌క శంక‌ర్ ఈ వెబ్ సిరీస్ తీస్తున్నాడు. ఇందులో రాంగోపాల్ వ‌ర్మ‌ని పోలిన పాత్ర‌ని ష‌క‌ల‌క శంక‌ర్‌పోషిస్తున్నాడు. దానికి సంబంధించిన ట్రైల‌ర్ కూడా విడుద‌లైంది. ఈ వెబ్ సిరీస్ ఎలా ఉండ‌బోతోందో, వ‌ర్మ‌పై ఎన్నిర‌కాల సెటైర్లు ప‌డ‌నున్నాయో... ట్రైల‌ర్‌లోనే చెప్పేశారు. త్వ‌ర‌లోనే ఓ ఓటీటీ ఫ్లాట్ ఫామ్ లో ఈ వెబ్ సిరీస్ స్ట్రీమింగ్ కానుంది.