యంగ్‌ హీరో శర్వానంద్‌ ఆల్రెడీ ఈ ఏడాది మూడు సినిమాలతో ప్రేక్షకుల ముందుకు వచ్చాడు. ఏడాది మొదట్లో 'శతమానం భవతి' అంటూ వచ్చి మంచి విజయాన్ని తన ఖాతాలో వేసుకున్నాడు. ఆ తర్వాత వచ్చిన 'రాధ' కొంచెం నిరాశ పరిచినా, ముచ్చటగా మూడో సినిమా 'మహానుభావుడు'తో మళ్లీ రేసులోకి దూసుకొచ్చేశాడు.
'కృష్ణగాడి వీర ప్రేమగాధ' డైరెక్టర్‌ హను రాఘవపూడి దర్శకత్వంలో శర్వానంద్‌ చేస్తున్న సినిమా ఆల్రెడీ స్టార్ట్‌ అయ్యింది. సుధీర్‌ వర్మ దర్శకత్వంలో మరో సినిమాకి సైన్‌ చేశాడు శర్వానంద్‌. సితార ఎంటర్‌టైన్‌మెంట్స్‌ సంస్థ ఈ సినిమాని నిర్మిస్తోంది. ఇది కాక హరీష్‌ శంకర్‌ దర్శకత్వంలో ఓ సినిమా చేస్తున్నాడు. అది మల్టీ స్టారర్‌ అంటూ ప్రచారం జరగుతోంది. నాని మరో హీరోగా చేయనున్నాడట ఈ సినిమాలో. దిల్‌ రాజు నిర్మాణంలో సినిమా రూపొందనుంది. కాగా శర్వానంద్‌ సినిమాలు చాలా ఫాస్ట్‌గా స్టార్ట్‌ అయ్యి, అంతే ఫాస్ట్‌గా ఫినీష్‌ అవుతాయి.
అలా ఇప్పుడు మూడు సినిమాలైతే పక్కాగా కన్‌ఫామ్‌ అయిపోయాయి. వచ్చే ఏడాది రేస్‌లో ఈ మూడు సినిమాలు పక్కా. అయితే ఇవి కాక మరెన్నో తెలియాల్సి ఉంది. కన్‌ఫామ్‌గా త్రీ..బట్‌ త్రీ ప్లస్‌ ఎన్ననీ చెప్పలేం. దటీజ్‌ శర్వానంద్‌. ప్రస్తుతం శర్వానంద్‌ సినిమాలన్నీ సక్సెస్‌ బాటలోనే నడుస్తున్నాయి. అన్నీ డిఫరెంట్‌ ఎంటర్‌టైనింగ్‌ మూవీసే. అయితే ఇకపై శర్వా విభిన్న కథా చిత్రాలను కూడా ట్రై చేయనున్నాడట. గతంలో చాలా వరకూ విలక్షణ చిత్రాల్లో నటించాడు శర్వానంద్‌. అయితే అవి నటుడిగా మంచి గుర్తింపు తెచ్చిపెట్టాయి కానీ అందులో పెద్దగా సక్సెస్‌లు అందలేదు మనోడికి. దాంతో కామెడీ కామెడీ ట్రాక్‌ ఎక్కిన శర్వా సక్సెస్‌ బండికి బ్రేకులే పడడం లేదు.
చూద్దాం వచ్చే ఏడాది మన సంక్రాంతి బుల్లోడు ఏ సినిమాతో పోటీ మొదలెడతాడో!
