మెగాస్టార్‌ చిరంజీవి రీ ఎంట్రీ మూవీ 'ఖైదీ నెం. 150' ఓ పక్క, బాలయ్య హిస్టారికల్‌ అండ్‌ ప్రెస్టీజియస్‌ మూవీ 'గౌతమీ పుత్ర శాతకర్ణి' మరో పక్క..ఈ రెండు సినిమాల మధ్య ఎంత కాన్ఫిడెన్స్‌ లేకపోతే యంగ్‌ హీరో శర్వానంద్‌ ధైర్యంగా రేసులోకి దూకుతాడు. అంత కాన్ఫిడెన్స్‌ ఉన్న మూవీ 'శతమానంభవతి'. అదే కాన్ఫిడెన్స్‌తో వచ్చాడు హిట్‌ కొట్టాడు.  

రెండు పెద్ద సినిమాలకు ఏమాత్రం తీసిపోని సక్సెస్‌తో పాటు, బాక్సాఫీస్‌ భారీ వసూళ్లలో తన షేర్‌ కూడా పంచాడు. సతీష్‌ వేగేశ్న దర్శకత్వంలో తెరకెక్కిన ఈ సినిమాకి దిల్‌ రాజు నిర్మాతగా వ్యవహరించారు. అనుపమా పరమేశ్వరన్‌, శర్వానంద్‌ జంటగా తెరకెక్కిన ఈ సినిమా 2017 సంవత్సరానికిగానూ సర్‌ప్రైజింగ్‌ స్మాల్‌ మూవీస్‌లో సరికొత్త సక్సెస్‌గా నిలిచింది. ఆ సక్సెస్‌ తెచ్చిన జోష్‌తో శర్వానంద్‌ జోరు కొనసాగిస్తూనే ఉన్నాడు. ఈ ఏడాది మరో రెండు సినిమాలతో ప్రేక్షకుల ముందుకు వచ్చాడు. 

అందులో 'రాధ' ఫర్వాలేదనిపించినా, 'మహానుభావుడు' మళ్లీ మంచి సక్సెస్‌నిచ్చింది శర్వానంద్‌కి. ప్రస్తుతం శర్వానంద్‌ సో బిజీయెస్ట్‌ యంగ్‌ హీరో ఇన్‌ టాలీవుడ్‌. ప్రస్తుతం యంగ్‌ డైరెక్టర్‌ సుధీర్‌ వర్మ దర్శకత్వంలో ఓ సినిమా చేస్తున్నాడు. ఇదో ప్రయోగాత్మక చిత్రమనీ సమాచారమ్‌. ఇంతవరకూ కామెడీతో హిట్స్‌ మీద హిట్స్‌ కొడుతున్న శర్వానంద్‌, ఈ సినిమాలో సరికొత్త లుక్‌లో కనిపించనున్నాడట. అది గ్యాంగ్‌స్టర్‌ క్యారెక్టర్‌ అనీ ప్రచారం జరుగుతోంది. 

కాజల్‌ అగర్వాల్‌, నిత్యామీనన్‌ ఈ సినిమాలో శర్వానంద్‌తో జత కడుతున్నారు. ఈ మధ్యనే ఈ సినిమా లాంఛనంగా ప్రారంభమైంది. ఓ మల్టీ స్టారర్‌ కూడా శర్వానంద్‌ చేతిలో ఉంది. ఓ హిట్‌ సినిమాతో ఇప్పటికే శర్వా రెడీ అయిపోయాడట వచ్చే ఏడాదికి ఇప్పటికే శర్వా చేతిలో మూడు సినిమాలు కన్‌ఫామ్‌ అయిపోయాయి. ఇవి కాక మనోడు ఇంకెన్ని సినిమాలు లైన్‌లో పెట్టేశాడో!