'రాధ' టైటిల్‌తో ఓ సినిమా తెరకెక్కుతోంది. హీరో ఎవరనుకుంటున్నారా? సంక్రాంతికి 'శతమానం భవతి' సినిమాతో ఇద్దరు స్టార్‌ హీరోలతో రేసులోకి దిగి నేనేం తక్కువ కాదంటూ సూపర్‌ విజయాన్ని తన ఖాతాలో వేసుకున్న యంగ్‌ హీరో శర్వానంద్‌. టైటిల్‌ బాగుంది కదా. ఇంతవరకూ ఈ తరహా లేడీ టైటిల్స్‌తో విజయం అందుకున్న హీరో వెంటేష్‌ మాత్రమే. అసలు ఈ టైటిల్‌ కూడా అప్పట్లో వెంకీ సినిమా కోసమే అనుకున్నారు. మారుతి డైరెక్షన్‌లో ఆ సినిమా రావాల్సి ఉంది. కానీ రాలేదు. ఇప్పుడు ఆ టైటిల్‌తోనే శర్వానంద్‌ హీరోగా, చంద్రమోహన్‌ దర్శకత్వంలో సినిమా రాబోతోంది. ఈ సినిమాలో శర్వానంద్‌ తొలిసారిగా నవ్వించే పోలీస్‌ గెటప్‌లో నటిస్తున్నాడు. అది కూడా చాలా డిఫరెంట్‌గా ఉండబోతోందట. ఇంతవరకూ పోలీస్‌ గెటప్‌లో చాలా మంది హీరోలు నవ్వులు పండించారు. కానీ.. నాలా నవ్వులు పండించేది మాత్రం నేనే అంటూ వచ్చేస్తున్నాడు శర్వానంద్‌. తాజాగా ఈ సినిమా ఫస్ట్‌లుక్‌ విడుదలైంది. ఈ లుక్‌ చూస్తుంటేనే తెలుస్తోంది ఈ సినిమా ఎంతగా ఎంటర్‌టైన్‌ చేస్తుందో. పోలీస్‌ గెటప్‌లో ఉండి, తలపై కిరీటం, చేతిలో ఫ్లూట్‌ వాయిస్తూ నవ్వులు చిందిస్తున్నాడు శర్వానంద్‌. ఈ సినిమాలో శర్వానంద్‌కి జోడీగా ముద్దుగుమ్మ లావణ్య త్రిపాఠి హీరోయిన్‌గా నటిస్తోంది. శర్వానంద్‌ నవ్వుల పోలీస్‌గా నటిస్తున్న, ఈ చిత్రంలో యాక్షన్‌ పాళ్లు కూడా తక్కువేం కాదటండి. నవ్విస్తూనే యాక్షన్‌ సీన్స్‌ కూడా ఇరగదీసేస్తాడట ఈ పోలీసోడు. ఈ సినిమాని మార్చి 29న ప్రేక్షకుల ముందుకు తీసుకురానున్నారు.