తమిళ హీరో విశాల్‌ రీసెంట్‌గా 'అయోగ్య' సినిమాతో ప్రేక్షకుల ముందుకొచ్చాడు. తెలుగు 'టెంపర్‌'కి తమిళ రీమేక్‌ ఇది. అనుకున్న టైంని దాటి ఒకరోజు లేట్‌గా విడుదలైనా ఈ సినిమా మంచి విజయం అందుకుంది. విశాల్‌ తర్వాతి ప్రాజెక్ట్‌ 'అభిమన్యుడు 2'. గతేడాది విడుదలైన 'అభిమన్యుడు' సినిమాకి సీక్వెల్‌ ఇది. సమంత, విశాల్‌ జంటగా వచ్చిన ఈ సినిమా సూపర్‌ హిట్‌ అయిన సంగతి తెలిసిందే. హీరోయిన్‌గా సమంతకు మంచి పేరు తీసుకొచ్చింది.
ఇక తాజా సీక్వెల్‌లో సమంత ప్లేస్‌ని శ్రద్ధా శ్రీనాధ్‌ ఆక్యుపై చేసింది. శ్రద్ధా నటించిన 'యూటర్న్‌' కన్నడ మూవీ సమంత హీరోయిన్‌గా తెలుగులో 'యూటర్న్‌'గా రీమేక్‌ అయ్యి మంచి విజయం సాధించిన సంగతి తెలిసిందే. ఇప్పుడు సమంత నటించిన 'అభిమన్యుడు' సీక్వెల్‌లో శ్రద్ధా నటిస్తుండడం విశేషం. ఇదిలా ఉంటే, శ్రద్ధా గతంలోనూ తమిళంలో పలు చిత్రాల్లో నటించింది. లేటెస్ట్‌గా శ్రద్ధా నటించిన 'కె.13' ఇటీవలే ప్రేక్షకుల ముందుకొచ్చి మంచి టాక్‌ సొంతం చేసుకుంది.
ప్రస్తుతం విశాల్‌తో పాటు, సీనియర్‌ హీరో అజిత్‌తోనూ ఓ సినిమాలో నటిస్తోంది. హిందీలో తాప్సీ నటించిన 'పింక్‌' రీమేక్‌ మూవీ ఇది. ఇలా తమిళంలో ఈ బ్యూటీ క్రేజీ ఆఫర్లు దక్కించుకుంటోంది. ఇక తెలుగులో నటించిన ఫస్ట్‌ సినిమా 'జెర్సీ'తో అందరి దృష్టినీ ఆకర్షించింది. ఈ సినిమా సక్సెస్‌తో వరుస ఆఫర్లు క్యూ కడుతున్నాయట శ్రద్ధా శ్రీనాధ్‌కి. అవకాశాలున్నా, లేకున్నా, 'శ్రద్ధా శ్రీనాధ్‌' ఈ పేరు అయితే ఇప్పట్లో మర్చిపోయే అవకాశం లేదులెండి. 'జెర్సీ' ప్రమోషన్స్‌లో అమ్మడు చేసిన హడావిడి అలాంటిది మరి.
