తమిళంలో విశాల్‌ సరసన 'అభిమన్యుడు 2' సినిమాలో శ్రద్ధా శ్రీనాధ్‌ నటిస్తున్న సంగతి తెలిసిందే. ఈ సినిమాలో శ్రద్ధా పోలీసాఫీసర్‌ పాత్రలో కనిపించనుందనీ తెలుస్తోంది. ఆల్రెడీ సెట్స్‌పై ఉన్న ఈ సినిమా షూటింగ్‌ ప్రస్తుతం చెన్నైలో జరుగుతోంది. పోలీస్‌ స్టేషన్‌ నేపథ్యంలో కొన్ని కీలక సన్నివేశాల చిత్రీకరణ జరుగుతోంది. పోలీసాఫీసర్‌గా శ్రద్ధా శ్రీనాధ్‌ కొన్ని క్రిటికల్‌ యాక్షన్‌ సీన్స్‌లో నటిస్తోందట. విశాల్‌ మిలిటరీ ఆఫీసర్‌గా కనిపించబోతున్నాడు.

'అభిమన్యుడు' సినిమాకి సీక్వెల్‌గా తెరకెక్కుతోంది ఈ సినిమా. 'అభిమన్యుడు' తెరకెక్కించిన మిత్రన్‌ ఈ సీక్వెల్‌నీ తెరకెక్కిస్తున్నాడు. కాగా ఇదో థ్రిల్లర్‌ మూవీ అని తెలుస్తోంది. ఇకపోతే, రీసెంట్‌గా తెలుగులో 'జెర్సీ' సినిమాతో నా పేరు శ్రద్ధా శ్రీనాధ్‌, నా పేరు శ్రద్ధా శ్రీనాధ్‌ గుర్తు పెట్టుకోండి.. అంటూ తెగ డప్పు కొట్టి మరీ చెప్పిన ఈ ముద్దుగుమ్మ ఆ సినిమాతో చెప్పినట్లుగానే మంచి గుర్తింపే దక్కించుకుంది. దాంతో పాటు, అవకాశాలు కూడా బాగానే దక్కించుకుంటోందట.

'జెర్సీ' కన్నా ముందే ఒప్పుకున్న 'జోడీ' సినిమా త్వరలో విడుదలకు సిద్ధంగా ఉంది. ఈ సినిమాలో ఆది సాయికుమార్‌ హీరోగా నటిస్తున్నాడు. తెలుగులో ఆల్రెడీ నటిగా ప్రూవ్‌ చేసుకున్న శ్రద్ధా, 'ఇరుంబుతిరై 2' (అభిమన్యుడు 2) మంచి విజయం అందుకుంటే, తమిళంలోనూ సత్తా చాటడం ఖాయమే.