ముద్దుగుమ్మ శృతిహాసన్‌ మల్టీ టాలెంటెడ్‌ అన్న సంగతి తెలిసిందే. సీనియర్‌ హీరోయిన్‌ అనే కాకుండా, స్టార్‌ హీరోయిన్‌ కూడా ఇప్పుడు శృతిహాసన్‌. ఈ ముద్దుగుమ్మకి ఎప్పుడూ చేతి నిండా సినిమాలే ఉండాలని అనుకోదట. ఎందుకంటే ఖాళీ లేకపోతేే అమ్మడు తనలోని ఎక్స్‌ట్రా టాలెంట్‌ని బయటికి తీసుకొచ్చే అవకాశం ఉండదు కదా. అందుకే గుక్క తిప్పుకోనన్ని సినిమాలు ఒప్పేసుకోవడం తనకిష్టముండదని అంటోంది. మనం చేసే సినిమాలో మన పాత్రకి ఎంత విలువ ఉంది అనేది మాత్రమే ముద్దుగుమ్మ లెక్కలేసుకుంటుందట. అంతేకానీ ఎంత రెమ్యునరేషన్‌ వస్తుంది అనే లెక్క ఎప్పుడూ వేయనంటోంది శృతిహాసన్‌. అంతేకాదు శృతిహాసన్‌లో అనేక రకాల యాంగిల్స్‌ ఉన్నాయనేది తెలిసిన విషయమే కదా. వాటిలో ముఖ్యంగా మ్యూజిక్‌, డాన్స్‌ ఇవే కాకుండా, అప్పుడప్పుడూ శృతి పెన్ను, పేపరు పట్టుకుని కొన్ని రచనలు కూడా చేసేస్తుందట. అంటే పాటలు, చిన్న చిన్న స్టోరీలులాంటివిన్న మాట. ఎక్కువగా సినిమాల్లో నటించడం కన్నా, ఇలాంటి ఎక్స్‌ట్రా యాక్టివిటీస్‌ పైనే శృతికి మోజెక్కువట.తెలుగుతో పాటు, తమిళం, హిందీ భాషల్లో కూడా తన హవా చూపిస్తోంది. కేవలం గ్లామర్‌ పాత్రలే కాదు నటనా ప్రాధాన్యత ఉన్న సినిమాల్లో కూడా సత్తా చాటగలదు శృతి. అయితే ఆ తరహా సినిమాలు ఇప్పుడప్పుడే చేయనంటోంది ఈ ముద్దుగుమ్మ. ప్రస్తుతం 'కాటమరాయుడు' సినిమాలో నటిస్తోంది. తాజాగా 'సింగం 3' సినిమాతో ప్రేక్షకుల ముందుకొచ్చింది. సూర్య, అనుష్క ప్రధాన పాత్రల్లో వచ్చిన ఈ సినిమాకి శృతి గ్లామరే పెద్ద హైలెట్‌ అని చెప్పొచ్చు.