'ఆ నిర్మాత వేస్ట్‌ఫెలో' ఇలా అన్నది ఎవరో కాదు, ఓ హీరో. తాజాగా నిర్మాతగా మారిన మరో హీరోని. ఇంతకీ ఎవరా ఇద్దరు హీరోలు అనుకుంటున్నారా? నేచురల్‌ స్టార్‌ నాని. మరో హీరో సిద్దార్ద్‌. ఈ ఇద్దరూ మంచి స్నేహితులు. సోషల్‌ మీడియాలో నానినుద్దేశించి, సిద్దార్ద్‌ అన్న మాట ఇది. ఈ మాటకు నాని ఫ్యాన్స్‌ మొదట్లో హర్ట్‌ అయ్యారు.
ఎంత ఫ్రెండ్‌ అయితేనేమి పుసుక్కున అలా అనేస్తాడా సిద్దార్ద్‌ అంటూ కొన్ని కామెంట్స్‌ వచ్చాయి. అయితే ఇదంతా ఫన్‌ అని తర్వాత తెలిసింది. ఇలాంటి ప్రాక్టికల్‌ జోక్స్‌ సిద్దార్ట్‌ చాలా వేస్తుంటాడు. కొన్ని సరదాగా చురుక్కుల జాబితాలోకి వెళ్లిపోతాయి. కొన్నేమో ఇదిగో ఇలాగే బెడిసి కొట్టేస్తూ ఉంటాయి. ఇటీవలే సిద్దార్ద్‌ 'గృహం' సినిమాతో ప్రేక్షకుల ముందుకొచ్చాడు. మంచి విజయం అందుకున్నాడు ఈ సినిమాతో సిద్దార్ద్‌. అయితే తాజాగా నాని నిర్మాణంలో వాల్‌ పోస్టర్‌ మూవీస్‌ బ్యానర్‌లో 'అ' అనే చిత్రం తెరకెక్కుతోన్న సంగతి తెలిసిందే. ప్రశాంత్‌ వర్మ ఈ చిత్రాన్ని తెరకెక్కిస్తున్నారు.
ఈ చిత్రంలో కాజల్‌, నిత్యామీనన్‌, రెజీనా, ఈషా రెబ్బ, అవసరాల శ్రీనివాస్‌ తదితరులు నటిస్తున్నారు. ఈ సినిమాలో నాని కూడా ఓ క్యారెక్టర్‌కి వాయిస్‌ ఓవర్‌ ఇస్తున్నాడు. ఆ క్యారెక్టర్‌ని రివీల్‌ చేస్తూ ఈ రోజే చిత్ర బృందం ఓ పోస్ట్‌ చేసింది. ఆ క్యారెక్టర్‌ ఓ చేప. ఈ చేపకే నాని వాయిస్‌ ఇస్తోంది. ఇంతమంది క్యారెక్టర్స్‌తో తెరకెక్కుతోన్న ఈ డిఫరెంట్‌ మూవీలో నాక్కూడా ఓ క్యారెక్టర్‌ ఇచ్చి ఉంటే బావుండు అనే సందర్భంలో కొంచెం చమత్కారంగా సిద్ధూ ఇలా చురకలంటించాడు. అదీ సంగతి. ఫిబ్రవరిలో ఈ సినిమాను ప్రేక్షకుల ముందుకు తీస్కొచ్చే యోచనలో చిత్ర యూనిట్‌ ఉంది.
