సూర్య హీరోగా తెరకెక్కుతోన్న చిత్రం 'సింగం 3'. వాయిదాల పర్వాన్ని తప్పించుకుని ఈ సినిమా ఫిబ్రవరి 9న ప్రేక్షకుల ముందుకు రాబోతోంది. తమిళ్‌, తెలుగు భాషల్లో తెరకెక్కిన ఈ చిత్రం రెండు చోట్లా ఒకేసారి విడుదల కావాల్సి ఉంది. అందుకే ఈ చిత్రానికి అక్కడా ఇక్కడా ఒకేసారి పరిస్థితులు అనుకూలించకపోవడంతో, వాయిదా పడుతూ వచ్చింది. 'సింగం' సిరీస్‌లో వచ్చిన రెండు సినిమాలు సూర్యకి సూపర్‌ డూపర్‌ హిట్స్‌ తెచ్చిపెట్టాయి. అదే జోనర్‌లో వస్తోంది ఈ చిత్రం. 'సింగం 2'లో అనుష్కతో పాటు, ముద్దుగుమ్మ హన్సిక నటించగా, ఆ ప్లేస్‌లో 'సింగం 3'లో శృతిహాసన్‌ నటిస్తోంది. అనుష్క, శృతిహాసన్‌లతో పాటు ఈ సినిమాలో మరో భామ కూడా నటిస్తోంది. ఆమె 'గోదావరి' సినిమాలో సుమంత్‌కి మరదలిగా నటించిన నీతూ చంద్ర. అయితే ఈ ముద్దుగుమ్మ ఈ సినిమాలో హీరోయిన్‌ కాదంట. ఐటెం సాంగ్‌లో నర్తిస్తోంది. 'సింగం 2'లో తొలి సారిగా అంజలి ఐటెం సాంగ్‌ చేసింది. ఈ సినిమాలో హాట్‌ బ్యూటీ నీతూ చంద్రతో స్పెషల్‌ సాంగ్‌ చేయిస్తున్నారట. ఈ సాంగ్‌ చాలా డిఫరెంట్‌గా ఉండబోతోందట. దేవిశ్రీ ప్రసాద్‌ మ్యూజిక్‌లో ఐటెం సాంగ్స్‌కి ఓ ప్రత్యేకత ఉంటుంది. అలాగే ఈ సినిమాలో నీతూ చంద్రతో ఉండబోయే సాంగ్‌కి అదిరిపోయే ట్యూన్స్‌ ఇచ్చాడట. ఐటెం సాంగ్స్‌తో ఈ మధ్య ముద్దుగుమ్మలకి మంచి గుర్తింపు లభిస్తోంది. ఆ తరహాలో ఈ సాంగ్‌తో నీతూ చంద్ర మళ్లీ ఫామ్‌లోకి వస్తుందేమో చూడాలి మరి.