'ఉయ్యాలవాడ నరసింహా రెడ్డి' బయోపిక్‌లో చిరంజీవి నటించనున్నారన్న ప్రచారం జరుగుతోంది. అయితే ఈ విషయం ఇంకా అధికారికంగా ప్రకటన కాలేదు. కానీ ఓ టీవీ ఛానల్‌ ఉయ్యాలవాడ నరసింహారెడ్డిపై ఓ ప్రత్యేక కథనం ప్రసారం చేసింది. ఆ కథనంలో సదరు ఛానల్‌ వారు హీరో శ్రీకాంత్‌తో కలిసి ఈ స్పెషల్‌ షోను నిర్వహించారు. ఆ సందర్భంగా శ్రీకాంత్‌, మన అన్నయ్య మెగాస్టార్‌ చిరంజీవి 'ఉయ్యాలవాడ నరసింహారెడ్డి' సినిమా చేస్తున్నారు అని చెప్పారు. ఆ సందర్భంగా అసలు ఉయ్యాలవాడ నరసింహారెడ్డి చరిత్ర ఏంటి? మనకు తెలిసింది ఎంత? తెలియాల్సింది ఎంత? ఉయ్యాలవాడ మూలాలేంటి అని తెలుసుకునే ప్రయత్నం చేద్దాం అంటూ బయలుదేరారు. ఈ ప్రోగ్రాం ఇప్పుడు వైరల్‌ అయ్యింది. అసలు చిరంజీవి ఈ సినిమా చేస్తారా? చేస్తే కనుక ఎప్పుడు చేస్తారు.. అనే ప్రశ్నలు తలెత్తుతున్నాయి. మరో పక్క చిరంజీవి 151వ సినిమా కోసం సురేందర్‌ రెడ్డిని ఆల్రెడీ సెలెక్ట్‌ చేసి పెట్టారు. రామ్‌ చరణ్‌ ఈ సినిమాకి నిర్మాణం వహిస్తున్న సంగతి తెలిసిందే. రేపో మాపో ఈ సినిమా పట్టాల్కెనుంది అంటున్నారు. కానీ 150వ సినిమా వచ్చి రెండు నెలలు గడుస్తున్నా ఇంకా తదుపరి సినిమా విషయం సెట్స్‌ మీదికి వెళ్లడంలో క్లారిటీ రాలేదు. అతి త్వరలోనే ఈ సినిమాకి సంబంధించి మరిన్ని వివరాలు తెలయనున్నాయి.