శ్రీ‌నువైట్ల ఆశ‌ల‌న్నీ 'అమ‌ర్ అక్బ‌ర్ ఆంటోనీ'పైనే. ఈ సినిమాతో త‌ను ఎలాగైనా హిట్టు కొట్టాలి. లేదంటే... ఇండ్ర‌స్ట్రీలో త‌న స్థానం గల్లంత‌వ్వ‌డం ఖాయం. అందుకే ఈ సినిమా కోసం చాలా క‌ష్ట‌ప‌డ్డాడు శ్రీ‌ను. దానికి త‌గిన‌ట్టే రిజ‌ల్ట్ వ‌స్తుంద‌ని ఆశ పెట్టుకున్నాడు. 

ఈ సినిమాపై ఎంత న‌మ్మ‌కంగా ఉన్నాడంటే... దీన్ని హిందీలో రీమేక్ చేయ‌డం కూడా ఖాయమంటున్నాడు. తెలుగులో హిట్ట‌యితే, క‌చ్చితంగా ఈసినిమా బాలీవుడ్‌లో రీమేక్ చేయ‌మ‌ని అడుగుతార‌ని శ్రీ‌ను భావిస్తున్నాడు. అందుకే ముందు జాగ్ర‌త్త‌గా హిందీ రైట్స్‌ని త‌న ద‌గ్గ‌రే ఉంచుకున్నాడు. 

''దూకుడు సినిమా బాలీవుడ్‌లో చేయాల్సింది. కానీ ఆ సినిమా రైట్స్  నిర్మాత‌ల ద‌గ్గ‌ర ఉండిపోయాయి. అందుకే బాలీవుడ్‌లో చేయ‌డం కుద‌ర్లేదు. ఈసారి అలా కాకుండా ఉండాలని ముందు జాగ్ర‌త్త‌గా రైట్స్ నా ద‌గ్గ‌రే ఉంచుకున్నా. ఇప్ప‌టి వ‌ర‌కూ ఇలాంటి పాయింట్‌తో క‌థ రాలేదు. అందుకే బాలీవుడ్‌కీ తీసుకెళ్దామ‌ని నిర్ణ‌యించుకున్నా'' అంటున్నాడు శ్రీ‌నువైట్ల‌.