టాలీవుడ్ ఎప్ప‌టి నుంచో ఆస‌క్తి గా ఎదురు చూస్తున్న కాంబినేష‌న్ రాజమౌళి - మ‌హేష్‌బాబు. ఈ కాంబోలో సినిమా ఖాయ‌మ‌ని ఈమ‌ధ్యే వార్త బ‌య‌ట‌కు వ‌చ్చింది. ఆర్.ఆర్.ఆర్ త‌ర‌వాత రాజమౌళి మహేష్ తోనే సినిమా చేయ‌బోతున్నాడు. ఈసినిమా హాలీవుడ్ 'జేమ్స్ బాండ్' త‌ర‌హాలో ఉంటుంద‌ని ఓ వార్త చ‌క్క‌ర్లు కొడుతోంది. అది ఎంత వ‌ర‌కూ నిజ‌మో తెలీదు గానీ, ప్ర‌స్తుతం రాజమౌళి అయితే మహేష్ సినిమాపై క‌స‌ర‌త్తులు మొద‌లెట్టేశాడ‌ని టాక్‌.
లాక్ డౌన్ కార‌ణంగా 'ఆర్.ఆర్.ఆర్' షూటింగ్ ఆగిపోయింది. మ‌ళ్లీ ఈసినిమా ప‌ట్టాలెక్క‌డానికి కాస్త స‌మ‌యం ప‌ట్టేట్టు ఉంది. ఈలోగా.. మహేష్ సినిమా క‌థ‌పై రాజమౌళి డిస్క‌ర్ష‌న్లు షురూ చేశాడ‌ని స‌మాచారం. ఇది వ‌ర‌కే మహేష్ కోసం ఓ లైన్ అట్టిపెట్టుకున్నాడు రాజమౌళి. దానిని ఇప్పుడు డ‌వ‌లెప్ చేస్తున్న‌ట్టు టాక్‌. ఆర్.ఆర్.ఆర్ పూర్త‌వ‌గానే మహేష్ సినిమాని ప‌ట్టాలెక్కించేలా స‌న్నాహాలు చేస్తున్నాడ‌ట. వీలైతే 'ఆర్.ఆర్.ఆర్' షూటింగ్ ముగిసేలోగా మహేష్ సినిమా స్క్రిప్టుని సైతం రెడీ చేయాల‌ని రాజమౌళి భావిస్తున్నాడు.
