రాజమౌళి దర్శ‌క‌త్వంలో మహేష్ బాబు సినిమా మొద‌ల‌వ్వ‌నే లేదు.. ఈలోగా ఎన్నో ర‌కాలైన వార్తలు, రూమర్లు. ఈ సినిమా క‌థ ఇదనీ, మహేష్ పాత్ర ఈ ర‌కంగా ఉండ‌బోతోంద‌ని ర‌క‌ర‌కాల వార్తలు బ‌య‌ట‌కు వ‌చ్చేస్తున్నాయి. వాటిలో నిజ‌మెంతో తెలీదు గానీ, మహేష్ ఫ్యాన్స్ ని మాత్రం ఆ వార్తలు ఖుషీ చేస్తున్నాయి. తాజాగా ఈ సినిమా నుంచి మ‌రో ఆస‌క్తిక‌ర‌మైన విష‌యం లీకైంది. అది... ఓ భారీ యాక్ష‌న్ స‌న్నివేశానికి సంబంధించిన‌ది.
ఇది అండ‌మాన్ అడ‌వుల నేప‌థ్యంలో సాగే క‌థ అది ముందే ఓ హింట్ బ‌య‌ట‌కు వ‌చ్చింది. అడ‌విలో మహేష్ పోరాటాల‌న్నీ కొత్త స్థాయిలో ఉంటాయ‌ని టాక్‌. అందులో భాగంగా మ‌నుషుల్ని చంపి, ప‌చ్చి మాంసం తినే న‌ర‌రూప రాక్ష‌సులు కొంత‌మంది అడ‌వుల్లో తిరుగుతుంటార‌ట. వాళ్ల‌తో మహేష్ చేసే ఫైట్ ఈ సినిమా మొత్తానికే హైలెట్ గా నిలుస్తుంద‌ని టాక్‌. ఈ ఫైట్ కోసం కొంత‌మంది ఫారెన్ స్టంట్ మాస్ట‌ర్లు రంగంలోకి దిగుతున్నార‌ని తెలుస్తోంది.
ఈ ఫైట్ కి భారీ మొత్తంలో ఖ‌ర్చు పెట్ట‌బోతున్నార‌ని స‌మాచారం. విజ‌యేంద్ర ప్ర‌సాద్ ఈ సినిమాకి క‌థ అందించారు. బాలీవుడ్ భామ దీపికా ప‌దుకొణే క‌థానాయిక‌గా న‌టించ‌బోతోంద‌ని తెలుస్తోంది.
