ఏమైంది.. ఏమైంది అనే క్యూరియాసిటీ ఎక్కువ సేపు ఉంచుకోవద్దులెండి. ఇంతకీ సుధీర్‌ - రష్మీ ఏంటి సంగతి.? అంటున్నారా? బుల్లితెరపై వీరిద్దరిదీ క్రేజీ కాంబినేషన్‌. వీరిద్దరి మధ్యా ఏదో ఉందంటూ, బిల్డప్‌ ఇచ్చేలా ఉంటుందీ తెరపై వీరు ప్రవర్తించే తీరు. కానీ, తుస్‌.. అక్కడ అంత సీనూ, సినిమా లేదని గెటప్‌ శీను తేల్చేశాడు. జస్ట్‌ వారిద్దరూ ఫ్రెండ్స్‌ మాత్రమే. కాంబినేషన్‌ బాగా పేలిందని అలా కంటిన్యూ చేస్తున్నారంతే. సుధీర్‌కి ఇంట్లో సంబంధాలు చూస్తున్నారు.. అని గెటప్‌ శీను తాజాగా ఓ ఇంటర్వ్యూలో చెప్పాడు.
జబర్దస్త్‌ ప్రోగ్రాం ద్వారా పాపులరై, వెండి తెరపైనా అప్పుడప్పుడూ కనిపిస్తున్న ఈ ముగ్గురూ కలిసి ఓ సినిమాలో నటించబోతున్నారు. అదే 'త్రీ మంకీస్‌'. త్వరలో ప్రేక్షకుల ముందుకు రానుంది. జబర్దస్త్‌లో ఈ ముగ్గురి కామెడీకి ప్రత్యేకమైన ఇమేజ్‌ ఉంది. ఆ ఇమేజ్‌కి ఎలాంటి డ్యామేజ్‌ కాకుండా ఈ 'త్రీమంకీస్‌' మూవీ రూపొందిస్తున్నారట. ఈ ముగ్గురూ ఉన్నారంటే, కామెడీ రచ్చ రంభోలా అని తెలిసిన సంగతే.
పది నిముషాల స్కిట్‌లోనే వీరు అంత నవ్విస్తే, ఇక రెండు గంటల సినిమాలో ఇంకెంతలా నవ్విస్తారో కదా. ఆ నవ్వుల సందడి ఏ స్థాయిలో ఉండబోతుందో తెలియాలంటే 'త్రీ మంకీస్‌' చూడాల్సిందే. మరోవైపు ఈ రోజు ప్రేక్షకుల ముందుకు వచ్చిన 'రాజుగారి గది 3'లో గెటప్‌ శీను కీలక పాత్ర పోషించాడు. ఆ తర్వాత అఖిల్‌ సినిమాలో మరో ఇంపార్టెంట్‌ రోల్‌లో కనిపించనున్నాడట అదీ సంగతి.
