బ్రిలియంట్‌ డైరెక్టర్‌ సుకుమార్ ప్రస్తుతం బన్నీ సినిమాతో బిజీగా ఉన్న సంగతి తెలిసిందే. అయితే, ఈ సినిమాని టేకప్‌ చేయడానికి ముందు సుకుమార్ చాలా గ్యాప్‌ తీసుకున్నారు. ఆ గ్యాప్‌లో సుకుమార్ ఏం చేశారంటే, చిరంజీవి కోసం స్క్రిప్టు సిద్ధం చేశారట. ఇంతకీ ఏంటా స్క్రిప్టు అనుకుంటున్నారా.? ‘లూసిఫర్‌’. మయాళ బ్లాక్‌ బస్టర్‌ ‘లూసిఫర్‌’ సినిమాలో రామ్‌ చరణ్‌ నటించనున్నాడన్న వార్తలు వినిపించాయి అప్పట్లో. అయితే, ఆ సినిమాని చరణ్‌ కోసం కాదట. చిరంజీవి కోసమనీ తాజాగా అందుతోన్న సమాచారం.
ఈ సినిమాని హరీష్‌ శంకర్‌ దర్శకత్వంలో మెగా కాంపౌండ్‌ హీరోల్లో ఎవరో ఒకరితో రీమేక్‌ చేయనున్నారన్న అప్పటి వార్తలకు ఇప్పుడు బలం చేకూరింది. ఈ రీమేక్‌లో నటించబోయేది చిరంజీవి అని మాట్లాడుకుంటున్నారు. తాజాగా ఆ ప్రాజెక్ట్ సుకుమార్ చేతికి వచ్చిందట. ఆల్రెడీ సుకుమార్, చిరంజీవి కోసం ఆ స్క్రిప్టులో మార్పులు చేయడం కూడా జరిగిపోయాయట. పర్‌ఫెక్ట్‌ స్క్రిప్టు సిద్ధంగా ఉందట. బన్నీ సినిమా పూర్తి కాగానే, సుకుమార్ ఆ సినిమాని పట్టాలెక్కించనున్నాడట. ఈ లోగా ఇటు చిరంజీవి, కొరటాల సినిమానీ అటు సుకుమార్, బన్నీ సినిమానీ పూర్తి చేయనున్నారనేది లేటెస్ట్‌ ముచ్చట.
