భార‌తీయ వెబ్ సిరీస్ చరిత్ర‌లో.. ఫ్యామిలీమెన్ కు ఓ విశిష్ట‌మైన స్థానంఉంది. భార‌తీయుల‌కు వెబ్ సిరీస్ లో కొత్త రుచి చూపించిన సిరీస్ ఇది. సీజ‌న్ 1 సూప‌ర్ హిట్ట‌యితే, సీజ‌న్ 2 అంత‌కు మించిన విజ‌యాన్ని అందుకుంది. ఇప్పుడు సీజ‌న్ 3కి క‌స‌ర‌త్తులు ప్రారంభించారు రాజ్ డీకే. సీజ‌న్ 2 కంటే భిన్నంగా, మిన్న‌గా ఉండాల‌న్న ప్ర‌య‌త్నంలో స్క్రిప్టుని ఓ రేంజ్ లో త‌యారు చేశార‌ని టాక్‌. ఈసారి.. ఈ సీజ‌న్ లో.. సందీప్ కిష‌న్ ఓ కీల‌క‌మైన పాత్ర‌లో క‌నిపించ‌బోతున్నాడు.

సీజ‌న్ 1లో సందీప్ ఓ కీ రోల్ లో క‌నిపించిన విష‌యం గుర్తుండే ఉంటుంది. సీజ‌న్ 2లో మాత్రం త‌న పాత్ర లేదు. అయితే 3 లో సందీప్ మ‌ళ్లీ క‌నిపించ‌బోతున్నాడు. రాజ్ డీకే, సందీప్ మ‌ధ్య మంచి అనుబంధం ఉంది. ఆ అనుబంధంతోనే సీజ‌న్ 1లో క‌నిపించాడు. ఇప్పుడూ అంతే. ఫ్యామిలీమెన్ 1లో సందీప్ పాత్ర చాలా చిన్న‌ది. అయితే ఈసారి త‌న పాత్ర‌కు మ‌రింత ప్రాధాన్యం ఇచ్చార్ట‌. 2022లో షూటింగ్ ప్రారంభం కానుంది. అదే యేడాది చివ‌ర్లో స్ట్రీమింగ్ అయ్యే ఛాన్సుంది.