ఈ లాక్ డౌన్‌లో ఏం చేశార‌ని అడిగితే... ఒకొక్క‌రూ ఒక్కో విష‌యం చెబుతున్నారు. కొంత‌మంది సినిమాలు చూస్తూ కాల‌క్షేపం చేశారు. ఇంకొంత‌మంది వంటింట్లో దూరి ప్ర‌యోగాలు చేశారు. ఇంకొంత మంది ఖాళీగా ఉంటూ... కుటుంబంతో స‌ర‌దాగా గ‌డిపేశారు. సందీప్ కిష‌న్ మాత్రం జిమ్ములో తెగ క‌ష్ట‌ప‌డ్డాడు. అవును... ఈలాక్ డౌన్‌లో త‌న బాడీపై శ్ర‌ద్ధ చూపించాడు సందీప్. ఏకంగా 12 కిలోలు త‌గ్గాడు.
సందీప్ హీరోగా ఏ 1 ఎక్స్‌ప్రెస్ అనే సినిమా తెర‌కెక్కుతోంది. హాకీ నేప‌థ్యంలో సాగే క‌థ ఇది. ఈ పాత్ర కోసం సందీప్ 12 కిలోలు త‌గ్గాడు. కొత్త లుక్ తో సందీప్ ఫొటో ఒక‌టి బ‌య‌ట‌కు వ‌చ్చింది. కండ‌లు తిరిగిన బాడీతో నిజ‌మైన హాకీ ప్లేయ‌ర్‌లా క‌నిపిస్తున్నాడు సందీప్. లావ‌ణ్య త్రిపాఠీ క‌థానాయిక‌గా న‌టిస్తోంది. త‌ను కూడా ఇందులో హాకీ ప్లేయ‌రే. లాక్ డౌన్‌కి ముందు కొంత మేర షూటింగ్ జ‌రుపుకొంది. త్వ‌ర‌లోనే కొత్త షెడ్యూల్ మొద‌లు కానుంది.
