సునీల్ హీరోగా వి.ఎన్‌. ఆదిత్య ద‌ర్శ‌కత్వంలో రూపొందుతోన్న హిలేరియ‌స్ ఫ‌న్ ఫిల్మ్‌కు 'మ‌ర్యాద క్రిష్ణ‌య్య' అనే టైటిల్ ఖ‌రారు చేశారు. ఏటీవీ ఒరిజిన‌ల్స్‌, పీపుల్ మీడియా ఫ్యాక్ట‌రీ, అభిషేక్ అగ‌ర్వాల్ ఆర్ట్స్ బ్యాన‌ర్ల‌పై కిశోర్ గ‌రిక‌పాటి, టీజీ విశ్వ‌ప్ర‌సాద్‌, అర్చ‌నా అగ‌ర్వాల్ ఈ చిత్రాన్ని నిర్మిస్తున్నారు. సునీల్ బ‌ర్త్‌డే సంద‌ర్భంగా చిత్ర బృందం నేడు ఫస్ట్ లుక్ పోస్ట‌ర్‌ను విడుద‌ల చేసింది. ఈ పోస్ట‌ర్‌లో సునీల్ దేన్నో చూసి షాక‌వుతున్న‌ట్లుగా పోజ్ ఇచ్చారు.

టైటిల్ ఆస‌క్తిగొల్పుతుండ‌గా, ఫ‌స్ట్ లుక్ పోస్ట‌ర్ ఇంప్రెసివ్‌గా అనిపిస్తోంది. వివేక్ కూచిభొట్ల స‌హ నిర్మాత‌గా వ్య‌వ‌హరిస్తున్న ఈ మూవీకి సాయికార్తీక్ మ్యూజిక్ స‌మ‌కూరుస్తున్నారు. దాము న‌ర్రావుల సినిమాటోగ్రాఫ‌ర్‌గా వ‌ర్క్ చేస్తుండ‌గా, లక్ష్మీ భూపాల్ డైలాగ్స్ రాస్తున్నారు. హీరోయిన్‌తో పాటు ఇత‌ర తారాగ‌ణం వివ‌రాల‌ను త్వ‌ర‌లో వెల్ల‌డిస్తారు.