రాజశేఖర్‌ హీరోగా తెరకెక్కుతోన్న సినిమా 'పీఎస్‌వీ గరుడవేగ'. పూజా కుమార్‌ హీరోయిన్‌గా నటిస్తోంది. ఈ సినిమా రిలీజ్‌ మెషీన్‌ ఈవెంట్‌ (ప్రీ రిలీజ్‌ ఫంక్షన్‌)ని హైద్రాబాద్‌లో ఘనంగా నిర్వహించారు. ఈ ఈవెంట్‌కి బాలీవుడ్‌ బ్యూటీ సన్నీలియోన్‌ విచ్చేసింది. రావడమే కాదు చిన్నపాటి డాన్సులేసి అభిమానుల్ని ఉర్రూతలూగించింది. ఈ సినిమాలో సన్నీలియోన్‌ ఓ స్పెషల్‌ సాంగ్‌ చేస్తోంది. 'డియో డియో ..' అంటూ సాగే ఆ పాటని చాలా స్పెషల్‌గా చిత్రీకరించారు. ఆ సాంగ్‌లో సన్నీ మాస్‌ స్టెప్పులకు ఎవ్వరైనా లేచి డాన్సులేస్తారట. అలాగే ఈ సినిమా ప్రమోషన్స్‌కి గానీ, ఈవెంట్స్‌కి కానీ సన్నీలియోన్‌ రాదనీ, ఒకవేళ వచ్చినా ఆమె అందుకు బోలెడంత డిమాండ్‌ చేస్తుందనీ గాసిప్స్‌ వచ్చాయి. కానీ సన్నీలియోన్‌ ఈ ఫంక్షన్‌కి వచ్చింది. రావడమే కాదు, సినిమా గురించి చాలా గొప్పగా మాట్లాడింది. సన్నీకి తెలుగులో 'కరెంట్‌ తీగ' తొలి సినిమా. 'గరుడవేగ' మంచి సినిమా అనీ, ఇలాంటి మంచి సినిమాతో మళ్లీ సౌత్‌లోకి అడుగుపెట్టడం చాలా సంతోషంగా ఉందనీ సన్నీ చెప్పింది. అంతేకాదు తెలుగులో మరిన్ని చిత్రాలు చేయాలని ఉందనీ ఈ ముద్దుగుమ్మ చెప్పింది. సన్నీపై వచ్చే గాసిప్స్‌కీ, ఆమె రియల్‌ లైఫ్‌కీ అస్సలు పోలికే ఉండదు. సినిమాల్ని బాగా ఇష్టపడి చేస్తుందామె. రియల్‌ లైఫ్‌లో సన్నీ వేరు. రీల్‌ లైప్‌ సన్నీ వేరు. ఆ ఆటిట్యూడ్‌ని అందరూ మెచ్చుకొని తీరాల్సిందే. ఇకపై సౌత్‌లో వరుసగా సినిమాలు చేయాలనుకుంటున్నాననీ ఈ సందర్భంగా సన్నీ చెప్పింది. ప్రవీణ్‌ సత్తారు డైరెక్షన్‌లో ఈ సినిమా తెరకెక్కుతోంది. నవంబర్‌లో సినిమా ప్రేక్షకుల ముందుకు రానుంది.