మ‌రి కొద్ది గంట‌ల్లో `స‌రిలేరు నీకెవ్వ‌రు` విడుద‌ల కాబోతోంది. ఈ సినిమా కోసం టాలీవుడ్ అంతా ఆస‌క్తిగా ఎదురు చూస్తోంది. మ‌రీ ముఖ్యంగా సూప‌ర్ స్టార్ ఫ్యాన్స్ ఈ సినిమా కోసం క‌ళ్లు కాయ‌లు కాచేలా ఎదురుచూస్తున్నారు. ఈ సినిమాలో చాలా స‌ర్‌ప్రైజ్‌లు ఉన్నాయ‌ని చిత్ర‌బృందం గ‌ట్టిగా ఊరిస్తోంది. అందులోనూ సూప‌ర్ స్టార్ కృష్ణ ఈ సినిమాలో క‌నిపించ‌బోతున్నార‌ని, ఆయ‌న ఎంట్రీ చూసి అంతా షాక్ అవుతార‌ని చెబుతున్నారు. అప్ప‌టి నుంచీ కృష్ణ ఎప్పుడు క‌నిపిస్తారు? ఆయ‌న పాత్ర ఎలా ఉంబోతోంది? అనే చ‌ర్చ మొద‌లైంది.

అయితే ఆస‌క్తిక‌ర‌మైన విష‌యం ఏమిటంటే ఈ సినిమాలో కృష్ణ న‌టించ‌లేదు. కానీ క‌నిపిస్తారు. ఆయ‌న్ని గ్రాఫిక్స్‌లో సృష్టించార‌ని, మైండ్ బ్లాక్ పాట‌లో మ‌హేష్ తో పాటు స్టెప్పులు వేస్తార‌ని తెలుస్తోంది. కొన్ని పాత సినిమాల్లో కృష్ణ డాన్స్ చేసిన బిట్లు తీసుకుని, ఇక్క‌డ క‌లుపుతార‌ట‌. దానికి అనుగుణంగానే మ‌హేష్ బాబు కూడా స్టెప్పులు వేస్తార‌ని తెలుస్తోంది. సో.. స‌రిలేరు చిత్ర‌బృందం దాచిన సీక్రెట్ ఇదే కావొచ్చు. ఇది నిజ‌మా? కాదా? అనే విష‌యాలు తెలియాలంటే 11వ తేదీన బొమ్మ ప‌డాల్సిందే.