అక్కినేని కుటుంబం నుండి వచ్చిన ఏకైక నటి సుప్రియ. దాదాపు 22 ఏళ్ళ క్రితం ఆమె హీరోయిన్ గా తెరపైకి ఎంట్రీ ఇచ్చింది. అయితే తన తొలి సినిమా చేసాక పూర్తిగా నటనకి ముగింపు చెప్పేసిన సుప్రియ, ఆ తరువాత అన్నపూర్ణ స్టూడియోస్ లో నిర్మిస్తున్న చిత్రాలకి సహ నిర్మాతగా వ్యవహరిస్తూ అలాగే స్టూడియో కార్యకలాపాలు చూసుకుంటుంది.
ఇక ఇన్ని సంవత్సరాల బ్రేక్ తరువాత, ఇప్పుడు మళ్ళీ ఒక సినిమాలో నటించేందుకు గ్రీన్ సిగ్నల్ ఇచ్చినట్టు సమాచారం. ఇంతకీ ఆ సినిమా ఏంటంటే - అడివి శేష్ హీరోగా వస్తున్న కొత్త చిత్రం - గూఢచారి లో ఒక కీలక పాత్రలో కనిపించనుంది సుప్రియ, ఆ పాత్ర ఏంటంటే సీక్రెట్ ఏజెంట్ పాత్ర చేయనున్నారట ఈ చిత్రంలో.
అభిషేక్ పిక్చర్స్ నిర్మాణ సంస్థలో ఈ గూఢచారి చిత్రాన్ని శశికిరణ్ దర్శకత్వం వహిస్తున్నారు. ప్రస్తుతం షూటింగ్ దశలో ఉన్న ఈ చిత్రం త్వరలోనే ప్రేక్షకుల ముందుకి తీసుకురానున్నారట. ఇక ఈ సినిమాకి అడివి శేష్ కథ అందిస్తుండడం విశేషం, బాలీవుడ్ హీరోయిన్ శోభిత ఇందులో అడివి శేష సరసన నటిస్తున్నారు.
మొత్తానికి సుప్రియ కూడా ఈ గూఢచారి చిత్రం ప్రేక్షకులు చూడడానికి ఒక కారణంగా కనిపిస్తుంది.
