ఒక హీరో కోసం రాసిన కథ మరో హీరో తో తీసి బ్లాక్ బస్టర్లు కొట్టడం టాలీవుడ్ లో ఎప్పటినుండో జరుగుతుంది. ఒకప్పుడు పూరి, పవన్ కోసం రాసిన పోకిరి కథని మహేష్ తో తీసాడు. ఇప్పుడు సుకుమార్ మహేష్ కి చెప్పిన కథ బన్నీ తో తీస్తున్నాడు. ఇలా చాలామంది వారి ఊహలో ఉన్న హీరో కి బదులు వేరే హీరోలతో తీయడం ఇండస్ట్రీలో కామన్. కాకపోతే మా హీరో తో ఆ సినిమా తీసుంటే ఎలా ఉండేదా అనే ప్రశ్న అభిమానులను వెంటాడుతుంది. ఇప్పుడు సురేందర్ రెడ్డిది కూడా ఇదే పరిస్థితి.
'సైరా నరసింహ రెడ్డి' తరువాత సురేందర్ రెడ్డి బన్నీ కోసం ఒక కథ రెడీ చేసుకున్నట్టు సమాచారం. ఇంతకుముందు బన్నీ, సురేందర్ రెడ్డి కాంబినేషన్లో 'రేసు గుర్రం' వచ్చి బ్లాక్ బస్టర్ హిట్ కొట్టింది. కానీ ఈసారి ఆలా కాదు.. బన్నీ 'పుష్ప' షూటింగ్ లో బిజీ అయిపోయాడు, ఆ తరువాత వెంటనే 'ఐకాన్' మూవీ చేయాల్సి ఉంది. అందువల్ల సురేందర్ రెడ్డి ఏవ్ ఎనర్జీ లెవెల్స్ ఉన్న ఇస్మార్ట్ హీరో 'రామ్' కి షిఫ్ట్ అయ్యాడు. ఇదే కథ రామ్ తో తీయనున్నట్టు విశ్వసనీయ సమాచారం. రామ్ ఎనర్జీ కి.. సురేందర్ రెడ్డి ట్రెండీ టేకింగ్ మ్యాచ్ అయితే, ఆ బొమ్మ ఊహించడానికి అద్భుతంగా ఉంటుంది.
ప్రస్తుతం రామ్ తమిళ చిత్రం తడం రీమేక్ 'రెడ్' లో నటిస్తున్నాడు. ఈ చిత్రం షూటింగ్ దాదాపు పూర్తయింది. కొంత ప్యాచ్ వర్క్ పూర్తి చేసుకుని, త్వరలో విడుదల కానుంది.
