సుశాంత్ సింగ్ రాజ్‌పుట్ ఆత్మ‌హ‌త్య నుంచి బాలీవుడ్ తేరుకోలేక‌పోతోంది. సుశాంత్ ఇలా చేసి ఉండాల్సింది కాదంటూ... బాలీవుడ్ ప్ర‌ముఖ‌లంతా ముక్త కంఠంతో నిన‌దిస్తున్నారు. ఈ ఘ‌ట‌న నుంచి తేరుకోవ‌డానికి బాలీవుడ్ కి కొంత స‌మ‌యం ప‌డుతుంది. అయితే సుశాంత్ కుటుంబ స‌భ్యులు మాత్రం.. ఇది ఆత్మ‌హ‌త్య కాదు, హ‌త్యే అంటున్నారు. ఈనేప‌థ్యంలో పోస్ట్ మార్ట‌మ్ రిపోర్ట్ పై అంద‌రి క‌ళ్లూ ప‌డ్డాయి. సుశాంత్ ది ఆత్మ‌హ‌త్యే అని ప్రాధ‌మికంగా నిర్దారించిన పోలీసులు.. ఇప్పుడు పోస్ట్ మార్ట‌మ్ రిపోర్టులోనూ అదే చెప్పారు.
సుశాంత్‌ది ముమ్మాటికీ ఆత్మ‌హ‌త్యే అని తేల్చేశారు. డిప్రెష‌న్ వ‌ల్లే సుశాంత్ చనిపోయాడ‌ని పోస్ట్ మార్ట‌మ్ రిపోర్ట్ లో తేలింది. అయితే... సుశాంత్ గదిలో సూసైడ్ నోట్ లాంటిది ఏదీ దొర‌క‌లేదు. కెరీర్‌లో దూసుకుపోతున్న సుశాంత్... వ్య‌క్తిగ‌తంగా మాత్రం ఒంట‌రి జీవితాన్ని అనుభ‌విస్తున్నాడు. ఇప్ప‌టికే రెండుసార్లు ల‌వ్ ఫెయిల్ అయ్యింది. ఆ కార‌ణంతోనే సుశాంత్ డిప్రెష‌న్‌లోకి వెళ్లాడ‌ని తెలుస్తోంది.
