ముద్దుగుమ్మ తాప్సీకి బాలీవుడ్‌లో ఇప్పుడు ఎదురే లేకుండా పోయింది. వరుస విజయాలతో అక్కడ దూసుకెళ్లిపోతోంది. తాజాగా అమ్మడు తెలుగులో కూడా ఓ సినిమా చేయబోతోంది. గతంలో తెలుగులో తాప్సీ చేసిన సినిమాల్లో గ్లామర్‌ ప్రధాన పాత్రలే ఉన్నాయి. అయితే ఈ తాజా సినిమా మాత్రం ఓ డిఫరెంట్‌ కాన్సెప్ట్‌ మూవీ. 70 ఎమ్‌ఎమ్‌ ఎంటర్‌టైన్‌మెంట్స్‌ సంస్థ ఈ సినిమాని నిర్మిస్తోంది. ఇటీవలే 'ఘాజీ'. నా పేరు షబానా' సినిమాలతో ఆలరించింది తాప్సీ. తాజా సినిమాతో తెలుగులోకి మళ్లీ డైరెక్ట్‌గా రీ ఎంట్రీ ఇస్తోంది. అయితే ఈ సినిమాకి ఓ పజిల్‌ పెట్టింది తాప్సీ. ఈ సినిమా టైటిల్‌ పేరు చెప్పే అవకాశాం ఫ్యాన్స్‌కే ఇచ్చింది ముద్దుగుమ్మ తాప్సీ. అదేంటంటే పైన కనిపిస్తోన్న పోస్టర్‌లో తాప్సీ నటిస్తోన్న సినిమా టైటిల్‌ దాగుంది. ఆ సినిమా టైటిల్‌ ఏంటో చెబితే, ఓ బంపర్‌ ఆఫర్‌.. ఈ ముద్దుగుమ్మతో కలిసి సెల్ఫీ దిగే అవకాశం. ఇంకేం లేటు సినిమా టైటిల్‌ను కనుక్కొనే పనిలో బిజీ అవ్వండి. ఇదో హారర్‌ కామెడీ చిత్రం అని తెలుస్తోంది. భయానికి నవ్వంటే భయం అని పోస్టర్‌పై ఉంది. అలాగే పోస్టర్‌ బ్యాక్‌ గ్రౌండ్‌ కూడా హారర్‌ తరహాలో ఉండడం వల్ల ఇదో హారర్‌ బెస్‌డ్‌ కామెడీ చిత్రం అని అర్ధమవుతోంది. ఏదైతే ఏముందిలెండి తాప్సీ మళ్లీ తెలుగు ప్రేక్షకుల్ని అలరిస్తానంటే కాదనే వారెవరు చెప్పండి. గ్రాండ్‌గా వెల్‌కమ్‌ చెప్పేవాళ్లే కానీ. ఈ పోస్టర్‌లోని టైటిల్‌ని కనిపెట్టి తాప్సీకి ట్వీటేస్కోండి.