ముద్దుగుమ్మ తాప్సీ రాఘవేంద్రరావు తెరకెక్కించిన 'ఝుమ్మంది నాదం' సినిమాతో క్యూట్‌గా బబ్లీగా ఎంట్రీ ఇచ్చింది. గ్లామరస్‌ పాత్రలకే తెలుగులో పరిమితమైంది ఈ ముద్దుగుమ్మ. క్యూట్‌ క్యూట్‌గా మాట్లాడే ఈ భామకు తెలుగులో తన టాలెంట్‌ చూపించే అవకాశం ఓ పరిధి వరకే ఆగిపోయింది. కానీ బాలీవుడ్‌కెళ్లాక తాప్సీ చాలా మారపోయింది. ఏంటి ఇది తాప్సీనా? తాప్సీలో ఏంటి ఈ మార్పు అనేంతలా ఆమె మారిపోయింది. వాస్తవానికి బాలీవుడ్‌ తనలోని టాలెంట్‌ని బయటికి తెచ్చింది. కానీ తనలో ఆల్రెడీ ఆ టాలెంట్‌ దాగుందంటోంది. అంతేకాదు ఈ మధ్య తాప్సీ మహిళల భద్రత గురించి, మహిళలపై జరుగుతున్న అరాచకాలు, అఘాయిత్యాల గురించి గట్టిగా స్పందిస్తోంది. బహుశా తాప్సీలో ఈ ఛేంజ్‌ లేడీ ఓరియెంటెడ్‌ మూవీస్‌ చేయడం వల్లే వచ్చింది కాబోలు. ప్రస్తుతం ఈ ముద్దుగుమ్మ నటించిన 'నామ్‌ షబానా' సినిమా విడుదలకు సిద్ధమైంది. ఈ సినిమా ప్రమోషన్స్‌ కోసమే తాప్సీ ఇలా మాట్లాడుతోంది కాబోలు. ఈ సినిమాని తెలుగులో 'నేనే షబానా' టైటిల్‌తో విడుదల చేస్తున్నారు. ఈ సినిమాలో తాప్సీ నటనకి తెలుగు ప్రేక్షకులంతా షాక్‌ అవుతారు. ఎందుకంటే ఇంతవరకూ తాప్సీ అంటే జస్ట్‌ గ్లామర్‌ డాళ్‌ మాత్రమే. కానీ ఈ సినిమా చూస్తే అర్ధమవుతుంది ఆమెలో దాగున్న టాలెంట్‌ ఏంటో. ఈ సినిమాలో తాప్సీ యాక్షన్‌ ఎపిసోడ్స్‌ వావ్‌ అనిపించేలా ఉండబోతున్నాయని ట్రైలర్‌ చూస్తేనే తెలుస్తోంది. ఏది ఏమైనా లేడీ ఓరియెంటెడ్‌ మూవీస్‌లో నటిస్తుండడం వల్ల తాప్సీలో చాలా మెచ్యూరిటీ వచ్చింది.