కూలీ నెంబ‌ర్ వ‌న్ తో టాలీవుడ్‌లోకి అడుగుపెట్టింది ట‌బు. ఆ సినిమాతో త‌ను స్టార్ అయిపోయింది. బాలీవుడ్‌లో ఎన్నో సూప‌ర్ హిట్లు సాధించింది. ఆ త‌ర‌వాత... వెంకీతో క‌ల‌సి మళ్లీ న‌టించ‌లేదు. ఇన్నాళ్ల‌కు మళ్లీ ఈ జంట‌ని తెర‌పై చూడ‌బోతున్నారు తెలుగు ప్రేక్ష‌కులు. బాలీవుడ్‌లో మంచి విజ‌యాన్ని అందుకున్న చిత్రం `దే దే ప్యార్ దే`. అజ‌య్ దేవ‌గ‌ణ్. ట‌బు, ర‌కుల్ ప్ర‌ధాన పాత్ర‌లు పోషించారు. ఈ చిత్రాన్ని తెలుగులో రీమేక్ చేయాల‌ని చూస్తున్నారు. అజ‌య్ దేవ‌గ‌ణ్ పాత్ర‌లో వెంకీ క‌నిపిస్తారు. ట‌బు పాత్ర మళ్లీ ట‌బుకే ఇవ్వాల‌న్న ఆలోచ‌న‌లో చిత్ర‌బృందం ఉంది. అంటే... వెంకీ, ట‌బుల జోడీ మ‌రోసారి చూడ‌డం ఖాయ‌మ‌న్న‌మాట.
ర‌కుల్ స్థానంలో ఎవ‌రిని ఎంచుకుంటారో చూడాలి. అన్న‌ట్టు ఈ సినిమాకి ఇంకా ద‌ర్శ‌కుడెవ‌ర‌న్న‌ది తేల‌లేదు. రీమేక్ చిత్రాల్ని ప‌ర్‌ఫెక్ట్‌గా తెర‌కెక్కించే ద‌ర్శ‌కుడి కోసం చిత్ర‌బృందం అన్వేషిస్తోంది. ఈ ఛాన్స్ ఎవ‌రికి ద‌క్కుతుందో చూడాలి మ‌రి. ప్ర‌స్తుతం వెంకీమామా షూటింగ్‌తో బిజీగా ఉన్నాడు వెంకీ. అది పూర్త‌యిన వెంట‌నే ఈ రీమేక్ ప‌ట్టాలెక్కుతుంది.
