ఈ వారం ప్రేక్షకుల ముందుకి వచ్చిన రెండు చిత్రాలు- మంచు మనోజ్ నటించిన ఒక్కడు మిగిలాడు & సందీప్ కిషన్ నటించిన C/O సూర్య.
మొదటగా మంచు మనోజ్ నటించిన ఒక్కడు మిగిలాడు విషయానికి వస్తే, దర్శకుడు ఈ చిత్రం కోసం ఎంపిక చేసుకున్న పాయింట్ చాలా బాగున్నా అది తెరమీదకి తీసుకెళ్ళడంలో మరింత జాగ్రత్త వహించాల్సి ఉండేది అన్న అభిప్రాయం ఈ చిత్రం చూసాక అనిపిస్తుంది.
ఈ చిత్రం కోసం మంచు మనోజ్ బరువు పెరగడం అలాగే ఈ చిత్రం చిత్రీకరణ సమయంలో అలాగే విడుదల సమయంలో కూడా అనేక సమస్యలు ఎదురుకున్నాడు. మొత్తానికి ఈ చిత్రం బాక్స్ ఆఫీస్ వద్ద డీలా పడింది అనే చెప్పాలి.
ఇక చాలా కాలంగా ఒక మంచి హిట్ కోసం ఎదురుచూస్తున్న సందీప్ కిషన్ తన తాజా చిత్రం C/O సూర్య పైన భారీగానే అంచనాలు పెట్టుకున్నాడు అని చెప్పాలి. థ్రిల్లర్ నేపధ్యంలో సాగే ఈ చిత్రానికి సుసీంద్రన్ దర్శకుడు అవ్వడం కూడా ప్రేక్షకులకి ఈ చిత్రం పైన హైప్ ని పెంచింది.
అయితే థ్రిల్లింగ్ ఎలిమెంట్స్ బాగా వర్క్ అవుట్ అయినా ఇంకా ఏదో మిస్ అయింది అన్న భావాన్ ఈ చిత్రం చూసినప్పుడు మనకి కలుగుతుంది. ఎంటర్టైన్మెంట్ కి సంబంధించి సన్నివేశాలు సరిగా పండకపోవడం కూడా ఈ చిత్రానికి మైనస్ అని చెప్పొచ్చు.
కాకపోతే ఈ చిత్రం చూసిన ప్రేక్షకుడు నిరాశ చెందే పరిస్థితి లేనందున కచ్చితంగా ఈ చిత్రం బాక్స్ ఆఫీస్ వద్ద ఒక యావరేజ్ చిత్రంగా నిలిచిపోనుంది.
ఇది ఈ వారం ఐక్లిక్ మూవీస్ టాక్ అఫ్ ది వీక్.
