టాక్ అఫ్ ది వీక్- విజయ్ దేవరకొండ ఏ మంత్రం వేసావె...

By iQlikMovies - March 11, 2018 - 13:16 PM IST

మరిన్ని వార్తలు

దాదాపు వారం రోజుల పాటు కొనసాగిన థియేటర్ల బంద్ తరువాత మొన్న గురువారం నుండే మళ్ళీ తెలుగునాట థియేటర్ల లో సినిమా ప్రదర్శనలు మొదలయ్యాయి. ఇక థియేటర్లు బంద్ తరువాత విడుదలైన తొలి సినిమా విజయ్ దేవరకొండ నటించిన ఏ మంత్రం వేసావె.

ఇక ఈ చిత్రం ప్రేక్షకులని ఎంతవరకు మెప్పించిందో ఇప్పుడు చూద్దాం. అర్జున్ రెడ్డి చిత్రం అనూహ్య విజయం తరువాత అందరూ ఊహించిన విధంగానే విజయ్ నుండి వచ్చిన ఏ మంత్రం వేసావె చిత్రం పైన ఆ ఇంపాక్ట్ పడింది. దానికి తోడుగా అర్జున్ రెడ్డి చిత్రంలో విజయ్ పోషించిన పాత్రతో పోలిస్తే ఈ చిత్రంలో ఆయన పాత్ర తేలిపోయింది.

దర్శకుడు చెప్పాలనుకున్న కథాంశంలో బలం ఉన్నప్పటికీ కథనంలో పట్టులేకపోవడం, పాత్రల చిత్రీకరణలో విఫలమవ్వడంతో ఈ చిత్రం థియేటర్ల లో ప్రేక్షకుల ఓపికకి పరీక్ష పెడుతుంది. ఇక హీరోయిన్ కూడా అందం అలాగే అభినయం విషయాలలో వెనకపడడం ఈ చిత్రానికి అదనపు మైనస్. 

ఇవన్ని కలిపి విజయ్ చిత్రం బాక్స్ ఆఫీస్ వద్ద బోర్లాపడింది. ఇక విజయ్ కూడా ఈ చిత్రాన్ని ప్రమోట్ చేయడానికి ముందుకు రాకపోవడం కొసమెరుపు.

 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS