టాలీవుడ్‌లో క‌థానాయిక‌ల స‌మ‌స్య ఇప్పుడిప్పుడే తీరుతోంది. కొత్త క‌థానాయిక‌లు అడుగుపెట్ట‌డం, వాళ్లూ విజ‌యాలు చేజిక్కించుకోవ‌డంతో క‌థానాయిక‌లు లేర‌న్న ఇబ్బంది కాస్త తీరింది. అయినా కొంత‌మంది హీరోల‌కు హీరోయిన్లు అస్స‌లు దొర‌క‌డం లేదు. గోపీచంద్‌కీ ఇదే ప‌రిస్థితి ఎదుర‌వుతూ వ‌చ్చింది. త‌న కొత్త సినిమాలో త‌మ‌న్నాకి హీరోయిన్‌గా ఎంచుకున్నారు.కానీ త‌మ‌న్నా మాత్రం ఈ సినిమాలోంచి త‌ప్పుకోవాల‌ని భావిస్తోంద‌ట. గోపీచంద్ - సంప‌త్‌నంది కాంబినేష‌న్‌లో ఓ సినిమా రూపుదిద్దుకుంటున్న సంగ‌తి తెలిసిందే.
ఇందులో క‌థానాయిక‌గా త‌మ‌న్నాని ఎంచుకున్నారు. అందుకోసం భారీ పారితోషికం కూడా కోడ్ చేశారు. కానీ త‌మ‌న్నాని ఈ సినిమాలో న‌టించ‌డం ఇష్టంలేద‌ట. అందుకే ఏవో కార‌ణాలు చెప్పి త‌ప్పుకోవాల‌నిచూస్తోంద‌ని స‌మాచారం.త‌మ‌న్నా డ్రాప్ అయితే మ‌రో క‌థానాయిక‌ని ఎంచుకోవాలి. ఇప్ప‌ట్లో గోపీచంద్ సినిమాకి ఓ హీరోయిన్ నే వెదికి ప‌ట్టుకోవ‌డం క‌ష్ట‌మైపోయింది. ఇప్పుడు దొరికిన హీరోయిన్ జారిపోతే ఎలా? అనే బెంగ మొద‌లైంది. అందుకే త‌మ‌న్నాని బుజ్జ‌గించే ప్ర‌య‌త్నాల్లో దిగిందిచిత్ర‌బృందం. మ‌రి ఈ బుజ్జ‌గింపుల‌కు త‌మ‌న్నా లొంగుతుందో లేదో చూడాలి.
