దటీజ్‌ మహాలక్ష్మి'కి ఇదే రైట్‌ టైమ్‌.!

By Inkmantra - October 12, 2019 - 15:15 PM IST

మరిన్ని వార్తలు

'సైరా నరసింహారెడ్డి'తో తమన్నా స్టారే మారిపోయింది. మిల్కీబ్యూటీ తమన్నా కాస్తా, 'సైరా లక్ష్మి'గా మారిపోయింది. ఈ సినిమా ఇచ్చిన గుర్తింపుతో తమన్నాకి మరో నాలుగైదుగేళ్ల వరకూ తిరుగే లేదనిపిస్తోంది. ఇదిలా ఉంటే, ఎప్పుడో షూటింగ్‌ పూర్తి చేసుకుని విడుదల డేట్‌ కోసం ఎదురు చూస్తోన్న 'దటీజ్‌ మహాలక్ష్మి'కి సంబంధించి, ఈ సందర్భంగా ఓ లేటెస్ట్‌ అప్‌డేట్‌ తెరపైకి వచ్చింది. త్వరలో ఈ సినిమాని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారట. 'సైరా'తో తమన్నాకి దక్కిన ఇమేజ్‌తో 'దటీజ్‌ మహాలక్ష్మి'ని క్యాష్‌ చేసుకోవాలనే యోచనలో చిత్ర యూనిట్‌ ఉందట. ఈ సినిమా విడుదలకు ఇదే రైట్‌ టైమ్‌గా భావిస్తున్నారట. బహుశా దీపావళికే 'దటీజ్‌ మహాలక్ష్మి'ని విడుదల చేసినా ఆశ్చర్యపోనక్కర్లేదేమో. నిజమే, ఇమేజ్‌ రైజింగ్‌లో ఉన్నప్పుడే కరెక్ట్‌గా వాడుకోవాలి.

 

'దటీజ్‌ మహాలక్ష్మి' టీమ్‌ ఇన్‌టైంలో స్పందించి, ఈ అవకాశాన్ని సద్వినియోగం చేసుకుంటే, 'దటీజ్‌ మహాలక్ష్మి' ఖచ్చితంగా సక్సెస్‌ అవుతుంది. ఈ సినిమా ప్రచార చిత్రాలు ఆకర్షణీయంగానే ఉన్నాయి. తమన్నా టాలెంట్‌ మరోసారి ప్రూవ్‌ చేసుకోవడానికి అద్భుతమైన అవకాశమిది. పక్కా గోదారి జిల్లా అమ్మాయిలా ఈ సినిమాలో తమన్నా నటిస్తోంది. బాలీవుడ్‌ 'క్వీన్‌'కి తెలుగు వెర్షన్‌ అయిన ఈ సినిమా తమిళ వెర్షన్‌లో కాజల్‌ అగర్వాల్‌ నటిస్తున్న సంగతి తెలిసిందే. ఇదిలా ఉంటే, తమిళంలో తమన్నా నటించిన 'పెట్రొమాక్స్‌' త్వరలో విడుదల కానుంది. తాప్సీ నటించిన 'ఆనందోబ్రహ్మ'కు తమిళ రీమేక్‌ ఇది.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS