స్టార్లంతా ఇప్పుడు వెబ్ సిరీస్‌ల‌పై దృష్టి పెడుతున్నారు. సినిమాల‌కు మించిన ఆదాయం వ‌స్తుంటే, ఎవ‌రు మాత్రం కాదంటారు? ఓ సినిమా ద్వారా కోటి రూపాయ‌లు సంపాదిస్తుంటే, వెబ్ సీరీస్‌లో న‌టిస్తే - అంత‌కు రెండు మూడు రెట్లు వ‌చ్చేస్తున్నాయి. అందుకే వెబ్ సిరీస్‌కి జై కొడుతున్నారు.
స‌మంత ఓ వెబ్ సిరీస్ లో న‌టిస్తున్న సంగ‌తి తెలిసిందే. రాశీఖ‌న్నా, పాయ‌ల్ రాజ్ పుత్ లాంటి యంగ్ బ్యాచ్ కూడా వెబ్ సిరీస్‌లో మెర‌వాల‌ని త‌హ‌త‌హ‌లాడుతున్నారు. స్టార్ హీరోయిన్ త‌మ‌న్నా కూడా వెబ్ సిరీస్‌లో క‌నిపించ‌బోతోంది. ఓటీటీ ఫ్లాట్ ఫామ్ `ఆహా`తో త‌మ‌న్నా ఒప్పందం చేసుకుంద‌ని, త్వ‌ర‌లోనే ఆహా కోసం ఓ వెబ్ సిరీస్‌లో క‌నిపించ‌బోతున్న‌ట్టు స‌మాచారం. ఆహా కోసం ఓ వెబ్ సిరీస్ చేసే ప‌నిలో సురేంద‌ర్ రెడ్డి, వంశీ పైడిప‌ల్లి, క్రిష్‌, మారుతి లాంటి ద‌ర్శ‌కులు స్క్రిప్ట్స్‌ని రెడీ చేసుకుంటున్నారు. వీళ్ల‌లో ఒక‌రి డైరక్ష‌న్ లో త‌మ‌న్నా వెబ్ సిరీస్ ఉండొచ్చు.
