మిల్కీ బ్యూటీ తమన్నా మరో బంపర్‌ ఛాన్స్‌ కొట్టేసింది. బాలీవుడ్‌లో అజయ్‌ దేవగన్‌ నిర్మిస్తున్న ఓ సినిమాలో మిల్కీ బ్యూటీకి హీరోయిన్‌గా ఆఫర్‌ వచ్చిందనీ బాలీవుడ్‌ వర్గాల సమాచారమ్‌. గతంలో అజయ్‌ దేవగన్‌ హీరోగా నటించిన 'హిమ్మత్‌వాలా' చిత్రంలో తమన్నా హీరోయిన్‌గా నటించింది. ఆ సినిమా చేస్తున్న టైంలోనే అజయ్‌ దేవగన్‌కి తమన్నా టాలెంట్‌పై గురి కుదిరింది. దాంతో అప్పుడే 'మనం మళ్లీ ఓ సినిమా చేద్దాం అని..' అజయ్‌ దేవగన్‌ తమన్నాకి మాటిచ్చారట. ఆ మాట ఇప్పుడు అజయ్‌ నిలబెట్టుకుంటున్నారనీ బాలీవుడ్‌లో గుసగుసలు వినిపిస్తున్నాయి. తన నిర్మాణంలో తెరకెక్కుతోన్న ఓ సినిమా కోసం తమన్నాతో అజయ్‌ సంప్రదింపులు జరుపుతున్నారనీ తెలుస్తోంది. అజయ్‌ దేవగన్‌ అడగడంతో తమన్నా కాదనలేకపోయిందట. ఆ సినిమాలో హీరోయిన్‌గా నటించేందుకు తమన్నా ఒప్పుకుందనీ తాజా సమాచారమ్‌. అన్నట్లు ఇది ఓ తమిళ సినిమాకి హిందీ రీమేక్‌గా తెరకెక్కుతోంది. అంటే ఈ సినిమాతో మళ్లీ తమన్నా బాలీవుడ్‌లో మరోసారి అడుగు మోపనుందన్న మాట. త్వరలోనే ఈ సినిమా సెట్స్‌ మీదికి వెళ్లనుందట. మరో పక్క తమన్నా బాలీవుడ్‌ 'క్వీన్‌'కి తెలుగు రీమేక్‌లో నటిస్తోంది. 'క్వీన్‌' టైటిల్‌తోనే ఈ సినిమా తెరకెక్కుతోంది. నీలకంఠ దర్శకత్వంలో ఈ సినిమా తెరకెక్కుతోంది. ప్రస్తుతం ఫ్రాన్స్‌లో షూటింగ్‌ జరుపుకుంటోంది ఈ సినిమా. ఈ సినిమాని తెలుగుతో పాటు, తమిళ, మలయాళ, కన్నడ భాషల్లోనూ రీమేక్‌ చేస్తున్నారు. బాలీవుడ్‌లో 'క్వీన్‌'గా కంగనా రనౌత్‌ నటించింది. ఈ సినిమాతోనే కంగనా కెరీర్‌ టర్న్‌ అయిపోయింది. అంతగా సక్సెస్‌ అయ్యింది ఆ సినిమా అప్పట్లో. అలాగే తెలుగులోనూ మంచి విజయం సాధిస్తుందని భావిస్తున్నారు. టాలీవుడ్‌ 'క్వీన్‌'గా తమన్నా ఎంతగా ఆకట్టుకుంటుందో చూడాలి మరి.