ఒక‌ప్పుడు త‌మ‌న్నా... టాలీవుడ్ లో టాప్ హీరోయిన్‌. క‌మ‌ర్షియ‌ల్ సినిమాలు, ఐటెమ్ పాట‌లు అంటూ తెగ బిజీ. అయితే కొత్త క‌థానాయిక‌ల రాక‌తో... త‌మ‌న్నా ప్రాబ‌ల్యం బాగా త‌గ్గింది. పైగా.. త‌న ఖాతాలో ఈమ‌ధ్య హిట్లు లేవు. చేతిలో 3 తెలుగు సినిమాలు ఉన్నాయి. ఎఫ్ 3, భోళా శంకర్, గుర్తుందా శీతాకాలం సినిమాలు చేస్తోంది. ఆ త‌ర‌వాత.. త‌మ‌న్నా ప‌రిస్థితేమిటి? అనేది పెద్ద ప్ర‌శ్న. ఈ మ‌ధ్య త‌మ‌న్నా కొత్త‌గా ఒప్పుకున్న సినిమాలేం లేవు. ఈ మూడూ అయిపోతే త‌మ‌న్నా ఖాళీనే. గుర్తుందా శీతాకాలంలో స‌త్య‌దేవ్ ప‌క్క‌న న‌టించింది. ఈ సినిమాలో మ‌రో ఇద్ద‌రు హీరోయిన్లు ఉన్నారు. కాబ‌ట్టి.. త‌మ‌న్నా చేసేదేం ఉండ‌దు.
ఇక ఎఫ్ 3.. పూర్తి గా ఫ‌న్ రైడ్ సినిమా. ఆ సినిమా హిట్ట‌యితే.. క్రెడిట్ మొత్తం హీరోల‌కూ, ద‌ర్శ‌కుడికి పోతుంది. ఎఫ్ 2 విష‌యంలో ఇదే జ‌రిగింది. ఆ సినిమా సూప‌ర్ హిట్ట‌యినా త‌మ‌న్నా క్యాష్ చేసుకోలేకపోయింది. ఇక త‌న చేతిలో ఉన్న క‌మ‌ర్షియ‌ల్ సినిమా భోళా శంకర్ ఒక్క‌టే. ఈ సినిమా ఎలాగూ రీమేకే. కాబ‌ట్టి... మినిమం గ్యారెంటీ ఉంటుంది. చిరు సినిమా హిట్ట‌యితే.. క‌చ్చితంగా త‌మ‌న్నాకు ప్ల‌స్సే. సీరియ‌న్ హీరోలు మ‌ళ్లీ త‌మ‌న్నాపై దృష్టి పెట్టే అవ‌కాశం ఉంది. అందుకే త‌మ‌న్నా చిరు సినిమాపైనే ఆశ‌లు పెట్టుకుంద‌ట. ఈ సినిమాకి ఎన్ని డేట్లు కావాలంటే అన్ని కేటాయించ‌డానికి త‌మ‌న్నా రెడీ అవుతోంద‌ని టాక్.
