'బాహుబలి' సినిమా తర్వాత మిల్కీ బ్యూటీ కెరీర్‌ చాలా స్లోగా నడుస్తోంది. 'బాహుబలి ది బిగినింగ్‌'లో తమన్నా క్యారెక్టర్‌కి ఉన్న లెంగ్త్‌తో పోలిస్తే, 'బాహుబలి ది కన్‌క్లూజన్‌'లో చాలా తక్కువ. అయినా కానీ 'బాహుబలి' సినిమా తమన్నాకి మంచి గుర్తింపు తెచ్చి పెట్టిన సినిమా. ఆ తర్వాత తమన్నా నటిస్తోంది కూడా బిగ్‌ ప్రాజెక్ట్‌లోనే. అదే 'క్వీన్‌' సినిమా. నీలకంఠ దర్శకత్వంలో ఈ సినిమా తెరకెక్కుతోంది. బాలీవుడ్‌లో కంగనా రనౌత్‌ లీడ్‌ రోల్‌లో నటించిన 'క్వీన్‌' సినిమాకి ఇది తెలుగు రీమేక్‌గా తెరకెక్కుతోంది. తెలుగులోనూ అదే టైటిల్‌తో తెరకెక్కిస్తున్నారు ఈ సినిమాని. హీరోయిన్‌ ఓరియెంటెడ్‌ మూవీ ఇది. లీడ్‌ రోల్‌ పోషిస్తున్న తమన్నా షూటింగ్‌ నిమిత్తం కసరత్తులు చేస్తోంది. ప్రస్తుతం ఈ సినిమా షూటింగ్‌ ఫ్రాన్స్‌లో జరుగుతోంది. అక్కడ ఆఫ్‌ షూటింగ్‌ ఫిట్‌నెస్‌లో భాగంగా, తమన్నా మార్నింగ్‌ వాక్‌ చేస్తోంది. మార్నింగ్‌ వాక్‌ ఎక్సర్‌సైజుల్లో అలసిపోయి ఇలా సముద్ర తీరాన హాయిగా సేద తీరింది. అప్పుడు క్లిక్‌మనిపించిన ఫోటోని మిల్కీ బ్యూటీ సోషల్‌ మీడియాలో షేర్‌ చేసింది. ఈ ఫోటోలో తమన్నా అందాలు ఒక పక్క, ప్రకృతి అందాలు మరో పక్క. సో ఈ క్రియేటివ్‌ పిక్‌కి లైకులే లైకులు. క్యూ కట్టేస్తున్నాయ్‌. పైన ఆకాశంలో సూర్యుని లేలేత కిరణాలు తాకి, బంగారు వర్ణంతో మెరిసిపోతోన్న మేఘాలు, ఆ మేఘాలకు అనుగుణంగా కింద సముద్రంలో ముత్యాల వెల్లువలా మెరిసిపోతున్న నీరు, చుట్టూ ఆహ్లాదమైన వాతావరణం ఏమని వర్ణించేది. ఇన్ని అందాల మధ్య మిల్కీ బ్యూటీ సొగసులు వర్ణించతరమా!.. చాలా కష్టమే సుమీ. తమన్నా కసరత్తుల సంగతి ఎలా ఉన్నా కానీ, ఆమె అభిమానులు ఈ పిక్‌ చూసి పట్టలేని అనుభూతికి లోనవుతున్నారు. ఇదిలా ఉండగా ఈ సినిమాని తమిళంలోనూ, కన్నడ, మలయాళంలోనూ కూడా రీమేక్‌ చేస్తున్నారు. తమిళంలో కాజల్‌ నటిస్తుండగా, మలయాళంలో మంజిమా మోహన్‌ లీడ్‌ రోల్‌లో పోషిస్తోంది.