కేతిరెడ్డి జగదీశ్వరరెడ్డి దర్శకత్వంలో ఎన్టీఆర్‌ జీవిత గాధ తెరకెక్కుతోన్న సంగతి తెలిసిందే. ఈ సినిమా 'లక్ష్మీస్‌ వీరగ్రంధం' టైటిల్‌తో తెరకెక్కుతోంది. ఎన్టీఆర్‌ జీవితంలోకి లక్ష్మీపార్వతి రాక ముందు ఆమె ఏంటి? అనే కాన్సెప్ట్‌పై ఈ సినిమా తెరకెక్కుతోంది. ఎన్టీఆర్‌ జీవితంలోకి లక్ష్మీ పార్వతి ప్రవేశించాక జరిగిన పరిణామాల్లో చాలా వరకూ ప్రజలకు తెలిసిన సంగతులే. అయితే ఆయన జీవితంలోకి ప్రవేశించక ముందు లక్ష్మీ పార్వతి ఏం చేసేది అనే ఇంట్రెస్టింగ్‌ అంశాలను ఎన్టీఆర్‌ అభిమానులకు తెలియ జేసే ప్రయత్నమే ఈ సినిమా అంటున్నారు చిత్ర యూనిట్‌.

అయితే ఈ సినిమాలో టైటిల్‌ రోల్‌ పోషించేదెవరు అన్న సంగతిపై పలు గాసిప్స్‌ చక్కర్లు కొడుతున్నాయి. చిత్ర యూనిట్‌ ఈ విషయంలో అయితే ఓ క్లారిటీతో ఉందట. ఈ రోల్‌లో సీనియర్‌ నటి వాణీ విశ్వనాధ్‌ నటిస్తే బాగుంటుందని భావిస్తున్నారట. ఈ విషయమై ఆమెతో సంప్రదింపులు కూడా జరిపినట్లు సమాచారమ్‌. కాగా వాణీ విశ్వనాధ్‌ ఈ మధ్యే రాజకీయాలు అంటూ తెరపైకి వచ్చారు. వచ్చే ఎలక్షన్స్‌లో తెలుగు దేశం పార్టీ తరపున ఆమె పోటీ చేసేందుకు సంసిద్ధంగా ఉన్నట్లు తెలుస్తోంది. ఈ టైంలో 'లక్ష్మీస్‌ వీరగ్రంధం' సినిమా ఆఫర్‌ కూడా ఆమె ముందుకు వచ్చింది.

వాణీ విశ్వనాధ్‌ని సినిమా విషయం అడిగితే, ఆఫర్‌ వచ్చింది. కానీ ఇంకా కన్‌ఫామ్‌ చేయలేదనీ ఆమె చెప్పింది. ఏది ఏమైనా తెరపైకి రావడమే తడవుగా వాణీ విశ్వనాధ్‌కి డబుల్‌ ధమాకా ఆఫర్‌ భలే వరించింది. గతంలో పాపులర్‌ హీరోయిన్‌గా పేరు తెచ్చుకున్న వాణీ విశ్వనాధ్‌ చాలా కాలంగా సినిమాలకు దూరంగా ఉన్న సంగతి తెలిసిందే. ఇటీవలే రాజకీయాల ద్వారా ప్రజలకు సేవ చేయాలనుకుంటున్నాననీ, తన మనసులోని మాటని మీడియా ముందుకు వచ్చి, ప్రజలకు తెలియపర్చింది. చూద్దాం ఇటు రాజకీయాల్లోనూ, అటు సినీ రంగంలోనూ మళ్లీ వాణీ విశ్వనాధ్‌ బిజీ అవుతుందేమో!