మిల్కీ బ్యూటీ సూపర్‌ గాళ్‌గా మారిపోయింది. తమిళంలో విశాల్‌ హీరోగా తెరకెక్కుతోన్న 'యాక్షన్‌' సినిమాలో మిల్కీ బ్యూటీ తమన్నా హీరోయిన్‌గా నటిస్తోంది. ఈ సినిమాలో హీరో విశాల్‌ రిస్కీ ఫైట్లు చేయనున్నారు. యాక్షన్‌ ప్రధానాంశంగా తెరకెక్కుతోన్న ఈ సినిమాలో కనీ వినీ ఎరుగని రీతిలో యాక్షన్‌ ఘట్టాలు ఉండబోతున్నాయట. ఆర్మీ ఆఫీసర్‌గా విశాల్‌ నటిస్తున్నాడు. అయితే, విశాల్‌తో పాటు హీరోయిన్‌గా నటిస్తున్న తమన్నా పాత్రకు కూడా చాలా ఇంపార్టెన్స్‌ వుండబోతోందట.
ఆర్మీ ఆఫీసర్‌గానే తమన్నా కూడా కనిపించబోతోందట. కొన్ని యాక్షన్‌ సీన్స్‌ తమన్నాపై కూడా చిత్రీకరిస్తున్నారట. లేటెస్ట్‌గా ఓ పోస్టర్‌ విడుదల చేశారు. ఈ పోస్టర్‌లో తమన్నా లుక్‌ ఇంట్రెస్టింగ్‌గా కనిపిస్తోంది. సూపర్‌ మేన్‌ గెటప్‌ అంటే ఎలా ఉంటుందో చిన్నప్పటి నుండీ మనందరికీ ఓ ఐడియా ఉంది. అయితే సూపర్‌ గాళ్‌ ఎలా ఉండబోతోందో తెలుసా.? ఇదిగో తమన్నాని చూస్తే తెలుస్తుంది. దాదాపు బికినీ టైప్‌ డ్రస్‌లో భుజానికి తెరలాంటి క్లాత్‌ వేలాడుతూ కనిపిస్తోంది. అంటే సూపర్‌ గాళ్‌ అన్నమాట.
ఈ పోస్టర్‌లో విశాల్‌ కూడా ఉన్నాడు. వీరిద్దరూ ఒకరినొకరు చూసుకుంటూ సీరియస్‌గా ఏదో డిస్కస్‌ చేసుకుంటున్నారు. విశాల్‌ బైక్‌పై కూర్చొని ఉండగా, తమన్నా పక్కన నిలబడింది. ఈ పోస్టర్‌కి మంచి రెస్పాన్స్‌తో పాటు, కొన్ని పేరడీ కామెంట్స్‌ కూడా వస్తున్నాయి. సూపర్‌ గాళ్‌కి లిఫ్ట్‌ ఇస్తానంటోన్న సూపర్‌ మేన్‌.. అంటూ ఫన్నీ కామెంట్స్‌ సోషల్‌ మీడియాలో హల్‌చల్‌ చేస్తున్నాయి. ఈ సినిమాకి సుందర్‌.సి దర్శకత్వం వహిస్తున్నారు. త్వరలో విడుదలకు ముస్తాబవుతోంది 'యాక్షన్‌' మూవీ.
