అందాల భామ తాప్సీ బాలీవుడ్‌లో హీరోయిన్‌ ఓరియెంటెడ్‌ సినిమాలతో తెగ బిజీగా గడుపుతోంది. అక్కడ ఓ మోస్తరు స్టార్‌ హీరోయిన్‌ అనిపించేసుకుంది అతి తక్కువ కాలంలోనే తాప్సీ. ఇకపోతే ఇప్పుడిప్పుడే మళ్లీ తెలుగులోనూ సత్తా చాటుతోంది. ఒకప్పుడు గ్లామర్‌ డాళ్‌గా మాత్రమే తాప్సీని చూసిన తెలుగు దర్శక, నిర్మాతలు ఇప్పుడు తాప్సీ ప్రధాన పాత్రల్లో సినిమాలకు ఇక్కడ కూడా రంగం సిద్ధం చేస్తున్నారు.
ఆ క్రమంలోనే తాజాగా 'గేమ్‌ ఓవర్‌' అనే సినిమాని సైలెంట్‌గా తెరకెక్కించి, టీజర్‌ వదిలారు. ఈ టీజర్‌లో తాప్సీ మాత్రమే కనిపించింది. ఓ పని మనిషి కనిపించినా, తాప్సీనే మెయిన్‌ లీడ్‌ కాబట్టి, ఆ క్యారెక్టర్‌ని పెద్దగా పట్టించుకోవడానికి లేదు. ఓ ముసుగు వ్యక్తి తాప్సీని చంపే క్రమం థ్రిల్లర్‌గా తెరకెక్కించారు. టీజర్‌ అంతా ఆ థ్రిల్లర్‌ కిల్లింగ్‌ అంశాల్నే హైలైట్‌ చేశారు.
సినిమాకి సంబంధించి, మరో పాత్ర సంగతి తెలీదు కానీ, టీజర్‌ మొత్తం తాప్సీనే కనిపించింది. వీడియో గేమ్స్‌ తయారు చేసే అమ్మాయిలా తాప్సీ కనిపిస్తోంది సినిమాలో. వైనాట్‌ మీడియా సంస్థ ఈ సినిమాని రూపొందించింది. తెలుగు, తమిళ, హిందీ భాషల్లో ఈ సినిమా విడుదల కానుంది. టీజర్‌లో కనిపించిన ఆ ముసుగు వ్యక్తి ఎవరు.? తాప్సీని ఎందుకు చంపాలనుకుంటున్నాడు.? తెలియాలంటే జూన్‌ 14 వరకూ ఆగాల్సిందే. అప్పుడే అసలు గేమ్‌ స్టార్ట్‌ కానుంది. జూన్‌ 14న ప్రేక్షకుల ముందుకు రానుంది 'గేమ్‌ ఓవర్‌'తో తాప్సీ పన్ను.
