బిగ్ బాస్ రియాలిటీ షో తెలుగులో చాలా మంచి పాపులారిటీ తెచ్చుకోగలిగింది. మొదటి సీజన్ లో ఎన్టీఆర్ యాంకరింగ్, బిగ్ బాస్ హౌస్ లో పార్టిసిపెంట్స్ వెరసి మంచి TRP రేటింగులని మూటకట్టుకుంది.

ఇక ఈ నెల 10వ తేదిన మొదలయ్యే బిగ్ బాస్ తెలుగు రెండవ సీజన్ పైన అంచనాలు ఇప్పటికే పెరిగిపోయాయి. కారణం- రెండవ సీజన్ కి వ్యాఖ్యతగా నాని రావడం, అదే విధంగా ఈ సీజన్ లో ఎవరెవరు పాల్గొననున్నారు అన్న ఊహాగానాలు ఇప్పుడు అందరిని ఉక్కిరిబిక్కిరి చేస్తున్నాయి.

ఈ ఊహాగానాల్లో భాగంగా నందమూరి తారక రత్న పేరు బయటకి వచ్చింది. ఇండస్ట్రీలో హీరోగా వచ్చి ఈ మధ్య కాలంలో విలన్ పాత్రలో మెరుస్తున్న ఈ నందమూరి నటవారాసుడు ఈ రియాలిటీ షో లో భాగం కానున్నాడు అని అంటున్నారు.

అయితే దీని పైన జూన్ 10వ తేదీన కాని క్లారిటీ వచ్చే అవకాశం లేదు.