సెలబ్రిటీస్‌కి, అభిమానులు ట్వీట్స్‌ ఇవ్వడం, వారి ట్వీట్స్‌కి సెలబ్రిటీస్‌ స్పందించడం మామూలు. సోషల్‌ మీడియా వచ్చాక ఒకరి అభిప్రాయాలు మరొకరు తెలుసుకునేందుకు బాగా ఉపయోగపడుతంది. అయితే తాజాగా తమన్‌కి ఓ అభిమాని చేసిన ట్వీట్‌ ఏంటో తెలుసా.! అయితే మీకీ విషయం తెలియాల్సిందే. 

'అజ్ఞాతవాసి' దెబ్బ కొట్టడంతో హీరోయిన్‌గా అనూఇమ్మాన్యుయేల్‌ రేసులోంచి పక్కకి వెళ్లిపోయినట్లే, ఈ సినిమాకి మ్యూజిక్‌ డైరెక్టర్‌గా పని చేసిన తమిళ మ్యూజిక్‌ డైరెక్టర్‌ అనిరుధ్‌ కూడా తన కొత్త ప్రాజెక్ట్‌ నుండి తప్పుకున్నాడు. ఆ కొత్త ప్రాజెక్ట్‌ ఏంటో మనందరికీ తెలిసిందే. వస్తూ వస్తూనే ఈ డెబ్యూ మ్యూజిక్‌ డైరెక్టర్‌ రెండు భారీ ప్రాజెక్టులు చేత్తో పట్టుకుని టాలీవుడ్‌లో అడుగు పెట్టాడు. ఆ రెండు చిత్రాలూ త్రివిక్రమ్‌వే కావడం విశేషం. 

త్రివిక్రమ్‌ - పవన్‌ కాంబినేషన్‌లో వచ్చిన 'అజ్ఞాతవాసి' సంగతి పక్కన పెడితే, రెండో ప్రాజెక్ట్‌ త్రివిక్రమ్‌ - ఎన్టీఆర్‌ కాంబినేషన్‌లో రాబోతున్న సినిమా. అయితే అనూహ్యంగా 'అజ్ఞాతవాసి' బెడిసికొట్టడంతో, అంతా కష్టపడి చేసిన అనిరుధ్‌ మ్యూజిక్‌కి తగిన స్థాయిలో పాపులారిటీ దక్కలేదు. దాంతో తన రెండో ప్రాజెక్ట్‌కు గుడ్‌బై చెప్పేశాడు అనిరుధ్‌. ఆ ప్రెస్టీజియస్‌ ప్రాజెక్ట్‌ ఇప్పుడు టాలీవుడ్‌ ధనా ధన్‌ మ్యుజీషియన్‌ తమన్‌ చేతికి వచ్చిన సంగతి తెలిసిందే. 

అయితే అభిమానులు సోషల్‌ మీడియాలో ఈ కాంబినేషన్‌లో తెరక్కెబోయే ఎన్టీఆర్‌ సినిమాకి అదిరిపోయే మ్యూజిక్‌ ఇవ్వాలంటూ పోస్ట్‌లు పెడుతున్నారు. ఇప్పటికే తమన్‌ పేరు మార్మోగిపోతోంది 'భాగమతి', తొలిప్రేమ' ఆడియోలతో. ఆ సినిమాల విజయంలో తమన్‌ మ్యూజిక్‌ హ్యాండ్‌ ఖచ్చితంగా ఉంది. అందుకే ఎన్టీఆర్‌ సినిమాకి తమన్‌ నుండి అంత గొప్ప మ్యూజిక్‌ని ఆశిస్తున్నారు అభిమానులు. అందుకు తమన్‌ కూడా ఏమాత్రం తగ్గట్లేదండోయ్‌. 

ఫస్ట్‌లుక్‌ పోస్టర్‌ బ్యాక్‌గ్రౌండ్‌ మ్యూజిక్‌తోనే తన తడాఖా చూపిస్తానంటున్నాడు. అవును 'భాగమతి' ఫస్ట్‌లుక్‌ టీజర్‌కి తమన్‌ మ్యూజిక్కే స్పెషల్‌ ఇంట్రెస్ట్‌ క్రియేట్‌ చేసిందిగా మరి. ఇకపోతే మార్చి ఫస్ట్‌వీక్‌ నుండి ఎన్టీఆర్‌ సినిమా రెగ్యులర్‌ షూటింగ్‌ స్టార్ట్‌ అవుతుంది.