తమన్... టాలీవుడ్‌లో నెంబ‌ర్ వ‌న్ సంగీత ద‌ర్శ‌కుడు. త‌న పాట‌ల‌తో, బ్యాక్‌గ్రౌండ్ స్కోర్ తో సినిమాని నెక్ట్స్ లెవ‌ల్ కి తీసుకెళ్ల‌గ‌ల సామ‌ర్థ్యం త‌న‌కే ఉంద‌ని అంద‌రి న‌మ్మ‌కం. దాన్ని చాలా సార్లు నిల‌బెట్టాడు కూడా. అఖండ సూప‌ర్ హిట్ అవ్వ‌డంలో తమన్ ఇచ్చిన ఆర్.ఆర్... కీల‌క పాత్ర పోషించింది. అందుకే అగ్ర హీరోలు, ద‌ర్శ‌కులు త‌మ‌నే కావాల‌నుకుంటున్నారు. తమన్ కూడా ఫుల్ బిజీ అయిపోయాడు. అయితే.. మహేష్ బాబు మాత్రం `త‌మ‌న్‌ని ప‌క్క‌న పెడ‌దామా` అని త్రివిక్రమ్ కి స‌ల‌హా ఇస్తున్నాడ‌ని టాక్.
మహేష్ - త్రివిక్రమ్ కాంబోలో ఓ సినిమా రూపుదిద్దుకుంటున్న సంగ‌తి తెలిసిందే. దీనికి తమన్ సంగీతం అందిస్తున్నాడు. అటు మ‌హేష్‌కీ, ఇటు త్రివిక్రమ్ కీ సూప‌ర్ హిట్లు అందించాడు తమన్. కాబ‌ట్టి... తమన్ ఈ సినిమాలో కూడా వ‌చ్చేశాడు. అయితే `స‌ర్కారు వారి పాట` ఆర్.ఆర్ విష‌యంలో మహేష్ అసంతృప్తితో ఉన్నాడు. ఈ సినిమాకి ఆర్.ఆర్ స‌రిగా కుద‌ర‌లేద‌ని, అందుకే సూప‌ర్ హిట్ అవ్వాల్సిన సినిమా, హిట్ ద‌గ్గ‌రే ఆగిపోయింద‌ని మహేష్ భావిస్తున్నాడ‌ట. త‌న చేతిలో చాలా సినిమాలు ఉన్నాయి కాబ‌ట్టి.. త‌న సినిమాపై ఫోక‌స్ చేయ‌లేక‌పోయాడ‌ని, ఈ సినిమాకీ అలానే ప‌నిచేస్తే రిజ‌ల్ట్ పై ప్ర‌భావం చూపిస్తుంద‌ని మహేష్ భ‌య‌ప‌డుతున్నాడ‌ట. అందుకే ఈ సినిమా వ‌ర‌కూ తమన్ ని ప‌క్క‌న పెడ‌దామ‌ని మహేష్ భావిస్తున్నాడు. అయితే త్రివిక్రమ్ కి మాత్రం తమన్ పై చాలా న‌మ్మ‌కం ఉంది. త్రివిక్రమ్ తమన్ ని వ‌దులుకొనే ప‌రిస్థితిలో లేడు. త్రివిక్రమ్ అండ‌దండ‌ల‌తో... ఈ ప్రాజెక్టులో తమన్ కొన‌సాగే అవ‌కాశాలు ఉన్నాయి. మహేష్ `తమన్ వ‌ద్దు` అని మ‌రీ మొండికేస్తే అప్పుడేం చెప్ప‌లేం. మ‌రి.. ఈ ప్రాజెక్టులో తమన్ ఉంటాడా, లేదా? అనేది తెలియాలంటే ఇంకొన్ని రోజులు ఆగాలి.
