ఉన్న‌ట్టుండి ప‌వ‌న్ క‌ల్యాణ్ మీద ప‌డ్డాడు రాంగోపాల్ వ‌ర్మ‌. `ప‌వ‌ర్ స్టార్‌` టైటిల్ తో ఓ సినిమా చేస్తున్నాడు. ఎన్నిక‌ల త‌ర‌వాత క‌థ అని ట్యాగ్ లైన్ పెట్టి `జ‌న‌సేన‌` పార్టీ ఎన్నిక‌ల్లో ఓడిపోయిన త‌ర‌వాత వ‌వ‌న్ ఏం చేశాడు? ఎలాంటి నిర్ణ‌యాలు తీసుకున్నాడు? అనే ఆస‌క్తిక‌ర‌మైన విష‌యాల్ని త‌న క‌థ‌లో చూపించ‌బోతున్నాడు. వ‌ర్మ పొలిటిక‌ల్ సెటైర్ల ఈ సినిమాలో ఎలా పేల‌తాయో.. అని అంతా ఆస‌క్తిగా ఎదురు చూస్తున్నారు.

ఇప్పుడు `ప‌వ‌ర్ స్టార్‌` రిలీజ్ డేట్ కూడా ఫిక్స‌యిన‌ట్టు టాక్‌. జులై 24న ఈసినిమాని విడుద‌ల చేయ‌బోతున్నార్ట‌. జూలై 24తో ప‌వ‌న్ కి, త‌న అభిమానుల‌కు మంచి బాండింగ్ ఉంది. సూప‌ర్ హిట్ చిత్రం `తొలి ప్రేమ‌` ఆ రోజే విడుద‌లైంది. ఆ సినిమాతోనే ప‌వన్ స్టార్ అయిపోయాడు. అలా సెంటిమెంట్ గా ప‌వ‌న్‌కి బాగా అచ్చొచ్చిన రోజునే వ‌ర్మ త‌న సినిమాని వ‌ద‌ల‌బోతున్నాడ‌న్న‌మాట‌. ఇటీవ‌లే `ప‌వ‌ర్ స్టార్` షూటింగ్ మొద‌లైంది. అయితే ఈలోగా.. వర్మ ఈ సినిమాని పూర్తి చేస్తాడా? లేదా? అనేది కాస్త డౌటు కొడుతోంది. ఎంతో టైమ్ లేదు మ‌రి. కాక‌పోతే.. వ‌ర్మ సినిమాలు వేగంగా తీయ‌డంలో దిట్ట‌. పైగా ఇది 30 నిమిషాలో, 40 నిమిషాలో ఉంటుందంతే. కాబ‌ట్టి.. అనుకున్న స‌మ‌యానికి పూర్తి చేసేయ‌గ‌ల‌డు. ‌