సినిమా చూపిస్త‌మావ‌, నేను లోక‌ల్ ల‌తో హిట్లు కొట్టాడు త్రినాథ‌రావు న‌క్కిన‌.  రామ్‌తో తెర‌కెక్కించిన హ‌లో గురు ప్రేమ కోస‌మే... సినిమాకీ మంచి వ‌సూళ్లు వ‌చ్చాయి. దాంతో త్రినాథ‌రావు స్టార్ హీరోల దృష్టిలో ప‌డ్డాడు. 

ఇప్పుడు త‌న‌కు రెండు కొత్త ఆఫ‌ర్లు వ‌చ్చిన‌ట్టు స‌మాచారం. త్రినాథ‌రావుతో వెంక‌టేష్ ఓ సినిమా చేయ‌డానికి ఒప్పుకున్నాడ‌ని టాక్‌. మ‌రోవైపు ర‌వితేజ‌తో కూడా ఓ సినిమా ఉంటుంద‌ని ప్ర‌చారం జరుగుతోంది. ఈ రెండింటిలో ఏది ముందు ప‌ట్టాలెక్కుతున్న‌ది అనేది త్వ‌ర‌లో తెలుస్తుంది.

ప్ర‌స్తుతం వ‌రుణ్ తేజ్‌తో క‌ల‌సి ఓ సినిమా చేస్తున్నాడు వెంక‌టేష్‌. `ఎఫ్ 2`గా రూపొందుతున్న ఈ చిత్రం ప్ర‌స్తుతం సెట్స్‌పై ఉంది. ఆ త‌ర‌వాత నాగ‌చైత‌న్య‌తో క‌ల‌సి ఓ మ‌ల్టీస్టార‌ర్ చేయ‌బోతున్నాడు వెంకీ. ఆ త‌ర‌వాతే త్రినాథ‌రావు న‌క్కిన సినిమా ఉంటుంద‌ని స‌మాచారం. ర‌వితేజ - శ్రీ‌నువైట్ల కాంబినేష‌న్‌లో ఓ చిత్రం రూపుదిద్దుకుంటోంది. ఆ త‌ర‌వాత మైత్రీ మూవీస్‌తో ర‌వితేజ ఓ సినిమా చేయాల్సివుంది. 

మ‌రి త్రినాథ‌రావుకి ఎప్పుడు డేట్లు ఇస్తాడో చూడాలి.