సూపర్ స్టార్ రజినీకాంత్ పక్కన నటించే అవకాశం వస్తే ఏ హీరోయిన్ అయినా ఎగిరి గంతేస్తారు. అటువంటిది సుమారు 15 ఏళ్ళ సినీ కెరీర్ లో ఒక్కసారిగా కూడా సూపర్ స్టార్ పక్కన నటించే అవకాశం రాలేదు త్రిషకి.
అట్లాంటిది త్రిషకి ఇన్నేళ్ళ తరువాత రజినీకాంత్ పక్కన నటించే అవకాశం రావడంతో ఆమె ఆనందానికి అవధుల్లేకుండా పోయింది. కొద్దిసేపటి క్రితమే, దీనికి సంబందించిన అధికారిక ప్రకటన వెలువడింది. ఈ చిత్రాన్ని తమిళ యువ దర్శకుడు కార్తీక్ సుబ్బరాజు దర్శకత్వం వహిస్తున్నారు.
ఇక ఈ సినిమాలో వీరిద్దరితో పాటు- సిమ్రాన్, విజయ్ సేతుపతి, నవాజుద్దిన్ సిద్దికి, బాబీ సింహ, సనత్ రెడ్డి, మేఘా ఆకాష్ తదితరులు నటిస్తున్నారు. ఇప్పటికే మొదటి షెడ్యూల్ పూర్తయిన సందర్భంలో త్రిష ఈ సినిమాలో జాయిన్ అవ్వడం ఆసక్తికరంగా మారింది.
మొత్తానికి త్రిష-రజినీకాంత్ కలయికలో రాబోతున్న తొలి చిత్రం కోసం వీరిరువురి అభిమానులు ఎదురుచూస్తున్నారు.
