స్టార్ హీరోయిన్ గా ఒక వెలుగు వెలిగిన త్రిష ఇప్పుడు తెలుగులో మార్కెట్ కోల్పోయింది కానీ తమిళంలో మాత్రం మంచి సినిమాల్లో నటిస్తోంది. అయితే ఈమధ్య కొన్ని ఫిమేల్ ఓరియెంటెడ్ చిత్రాల్లో కూడా నటించింది. అలాంటి సినిమాలలో 'శతురంగ వేట్టై -2' కూడా ఉంది. అయితే ఈ సినిమా గత మూడేళ్లుగా విడుదలకు నోచుకోలేదు. మరి ఏ కారణం వల్ల ఈ సినిమా విడుదల కాలేదో బయటకు రాలేదు కానీ తాజాగా ఈ సినిమా గురించి ఒక గుడ్ న్యూస్ బయటకు వచ్చింది.
ఈ మధ్య ఓటిటి వేదికల వారు మంచి కంటెంట్ కోసం వెతుకుతూ ఉన్నారు. దీంతో ఈ సినిమాకు మంచి ఆఫర్ ఇచ్చారని, డైరెక్ట్ గా రిలీజ్ చేసేందుకు అమెజాన్ ప్రైమ్ వీడియో వారు నిర్మాతలతో ఒప్పందం కుదుర్చుకున్నారని సమాచారం. త్వరలోనే ఈ సినిమా విడుదల తేదీని అధికారికంగా ప్రకటిస్తారని సమాచారం. '2014' లో విడుదలైన 'శతురంగ వేట్టై' సినిమాకు సీక్వెల్ గా తెరకెక్కిన ఈ చిత్రంలో అరవిందస్వామి కీలక పాత్రలో నటించారు. ఈ సినిమాకు కథ అందించిన వారు H. వినోద్. ఈ సినిమాకు దర్శకుడు ఎన్వీ నిర్మల్ కుమార్.
