పవన్ కళ్యాణ్ నటించిన అజ్ఞాతవాసి చిత్రం ఈ నెల 10వ తేదీన విడుదలకాబోతున్నది. దీనికి సంబంధించి దర్శకుడు త్రివిక్రమ్ అలాగే నిర్మాత చినబాబు ఈరోజు ఒక ప్రముఖ వ్యక్తికి తమ సినిమా చూడడానికి రమ్మని ప్రత్యేక ఆహ్వానం అందించారు.
ఆ వ్యక్తి మరెవరో కాదు- తెలంగాణ రాష్ట్ర సినిమాటోగ్రఫీ మాత్యులు తలసాని శ్రీనివాస్ యాదవ్. కొద్దిసేపటి క్రితం త్రివిక్రమ్-చినబాబు కలిసి తెలంగాణ సచివాలాయానికి వెళ్ళి మంత్రిని కలిసి ప్రత్యేక ఆహ్వానం అందించి వచ్చారు. అయితే ఎప్పుడు లేని విధంగా ఈసారి ఇలా ప్రత్యేక ఆహ్వానం ఎందుకు ఇచ్చినట్టు అనేది ఇప్పుడు ప్రశ్నగా మారింది.
అయితే ఇప్పటికే ఈ సినిమాకి సంబంధించి ముందురోజు రాత్రి స్పెషల్ ప్రీమియర్ షోలు వేస్తారు అని ఆ విషయంలో మంత్రిగారి నుండి అనుమతి తీసుకునేందుకు వెళ్ళి ఉంటారు అన్న వాదనలు వినపడుతున్నాయి.
ఏదేమైనప్పటికీ ఈ అజ్ఞాతవాసి చిత్రం కాపీరైట్స్ విషయంలో ఇప్పటికే పెద్ద రచ్చ జరగగా ఇక స్పెషల్ షోల టికెట్ ధరల విషయంలో ఎటువంటి సంఘటనలు జరగనున్నాయో అనేది చూడాలి.
