త్రివిక్రమ్‌ శ్రీనివాస్‌ తాజాగా 'అల వైకుంఠపురములో' సినిమాతో బిజీగా ఉన్న సంగతి తెలిసిందే. ఈ సినిమా త్రివిక్రమ్‌ని చాలా టెన్షన్‌ పెట్టేస్తోందట. ఎందుకంటే, త్రివిక్రమ్‌ ఈ సినిమాతో ఓ మంచి హిట్‌ ఎక్స్‌పెక్ట్‌ చేస్తున్నాడు. 'అత్తారింటికి దారేది' తరహాలో ఆ హిట్‌ కోరుకుంటున్నాడు. అందుకే చాలా జాగ్రత్తలు తీసుకుంటున్నాడు. సంక్రాంతి బరిలో ఈ సినిమా పోటీకి దిగుతోంది. అటు సూపర్‌ స్టార్‌ మహేష్ బాబు సినిమాతో ఆ పోటీ. అక్కడ అసలే అనిల్‌ రావిపూడి వరుస హిట్స్‌తో దూకుడు మీదున్నాడు.
అలాంటి అనిల్‌తో పోటీ పడనున్నాడు త్రివిక్రమ్‌. అనిల్‌ రావిపూడి సినిమా అంటే పక్కా ఎంటర్‌టైనింగ్‌గా ఉండబోతోంది. ఇక ఈ మధ్య కాస్త సీరియస్‌ మోడ్‌లోకి వెళ్లిన త్రివిక్రమ్‌ కూడా కోపం తగ్గించి, కామెడీ వైపు రూట్‌ మార్చేశాడట బన్నీ సినిమాతో. ఇదివరకటి తన మార్క్‌ పంచ్‌ డైలాగులు, యూత్‌ఫుల్‌ అండ్‌ ఫ్యామిలీ ఎంటర్‌టైనర్‌నే బన్నీకి ఇవ్వనున్నాడట. సో ఈ రెండు సినిమాలూ బాక్సాఫీస్‌ వద్ద హోరా హోరీ పోటీకి దిగనున్నాయనే చెప్పాలి. ఇకపోతే త్రివిక్రమ్‌ సినిమాకి పోజిటివ్‌ వైబ్స్‌ బాగానే ఉన్నాయి.
ఫస్ట్‌లుక్‌ పేరుతో విడుదల చేసిన 'చాలా గ్యాప్‌ తీసుకున్నావ్‌.. తీసుకోలా.. వచ్చిందంతే..' వంటి డైలాగ్‌ టీజర్‌తోనే త్రివిక్రమ్‌ ఈ సినిమా ఎలా ఉండబోతోందో శాంపిల్‌ చూపించేశాడు. సో కొంచెం టెన్షన్‌ పడినా 'అల వైకుంఠపురములో' సినిమాతో త్రివిక్రమ్‌ గట్టిగా కొట్టేలానే ఉన్నాడు. హిట్‌ కోసం ఎదురు చూస్తున్న బన్నీకి కూడా సూపర్‌ హిట్‌ ఇచ్చేలానే ఉన్నాడు.
