చిరంజీవి రీ ఎంట్రీలో వచ్చిన 150వ సినిమా 'ఖైదీ నెంబర్‌ 150' చిత్రంతో రికార్డుల మోత మోగించేశాడు చిరంజీవి. ఇప్పుడు 151వ సినిమా కోసం కసరత్తులు చేస్తున్నాడు. ఈ సినిమాకి డైరెక్టర్‌గా సురేందర్‌ రెడ్డి రెడీగా ఉన్నాడు. కథ విషయంలోనే ఇంకా క్లారిటీ రాలేదు. సురేందర్‌ రెడ్డి చేతలో ఓ కథ ఉంది. అయితే 'ఉయ్యాలవాడ నరసింహారెడ్డి' బయోపిక్‌లో చిరంజీవి నటిస్తారనే ప్రచారం జరుగుతోంది. ఈ దిశగా ఒక ప్రత్యేక టీమ్‌ కూడా రంగంలోకి దిగింది. ఉయ్యాలవాడ చరిత్రకి సంబంధించిన విషయాలను సంగ్రహించే పనిలో ఆ టీం నిమగ్నమైంది. అయితే ఈ స్టోరీ ఇంకా ఓ కొలిక్కి వచ్చేలా లేదు. అందుకని చిరంజీవి మరో కథకి రెడీ అవుతున్నారని తెలుస్తోంది. వేరే కథ అయితే సురేందర్‌ రెడ్డి దగ్గరే ఉంది. మరో తాజా సమాచారమ్‌ ప్రకారం మురుగదాస్‌ని చిరంజీవి కథ అడిగారని తెలియ వస్తోంది. ఒకవేళ ఈ కథ ఓకే అయితే చిరంజీవి 151వ చిత్రం ఏ స్టోరీతో తెరకెక్కుతోందా? అనే ఆశక్తితో ఉన్నారు అభిమానులు. ఏది ఏమైనా ఈ నెలాఖరుకల్లా చిరంజీవి సినిమా పట్టాలెక్కనుందని భావిస్తున్నారు. చిరంజీవి 150వ చిత్రం 'ఖైదీ'కి నిర్మాణం వహించిన రామ్‌ చరణే ఈ సినిమాకి కూడా నిర్మాతగా వ్యవహరించనున్నారు. మరో పక్క చిరంజీవి 'మీలో ఎవరు కోటీశ్వరుడు' గేమ్‌ షో ద్వారా బుల్లితెరను మెగాతెరగా తీర్చి దిద్దుతున్నారు. నాగార్జున స్టార్ట్‌ చేసిన ఈ గేమ్‌ షోకి, తనదైన స్టైల్‌తో చిరంజీవి మరింత గ్లామర్‌ అద్దుతున్నారు.