మెగా ఫ్యామిలీ నుండి మరో వారసుడి తెరంగేట్రం షురూ అయ్యింది. మెగా మేనల్లుడు సాయి ధరమ్‌ తేజ్‌ తమ్ముడు వైష్ణవ్‌ తేజ్‌ హీరోగా పరిచయమవుతున్న మూవీ లాంఛింగ్‌ వేడుక ఘనంగా జరిగింది. చిరంజీవి, నాగబాబు, అల్లు అర్జున్‌, వరుణ్‌తేజ్‌, సాయి ధరమ్‌ తేజ్‌ తదితరులు ఈ వేడుకకు హాజరయ్యారు. సుకుమార్‌ శిష్యుడు బుచ్చిబాబు ఈ సినిమాకి దర్శకత్వం వహిస్తున్నారు.
మైత్రీ మూవీస్‌ బ్యానర్‌తో కలిసి సుకుమార్‌ సంయుక్తంగా ఈ సినిమాని నిర్మిస్తున్నారు. దేవిశ్రీ ప్రసాద్‌ మ్యూజిక్‌ అందిస్తున్నారు. కొత్తమ్మాయి మనీషారాజ్‌ హీరోయిన్‌గా నటిస్తోంది. ఈ సినిమాకి ఇంకా టైటిల్‌ ఫిక్స్‌ చేయలేదు కానీ, 'హరహర శంభో శంకర' అనే టైటిల్‌ని పరిశీలిస్తున్నారు. మెగాస్టార్‌ చిరంజీవి క్లాప్‌ కొట్టగా వైష్ణవ్‌ తేజ్‌ సినిమాని ప్రారంభించారు. కాగా ప్రస్తుతం సాయి ధరమ్‌ తేజ్‌ నటిస్తున్న 'చిత్రలహరి' సినిమా కూడా ఇదే బ్యానర్‌లో రూపొందుతోంది. రాకింగ్‌ స్టార్‌ దేవిశ్రీ ప్రసాద్‌ మ్యూజిక్‌ అందిస్తున్నారు.
ఇదిలా ఉంటే, తేజు తొలి సినిమా 'రేయ్‌'లో సిక్స్‌ఫ్యాక్‌ ఫిజిక్‌తో కనిపించాడు. ఇప్పుడు తమ్ముడు వైష్ణవ్‌ తేజ్‌ కూడా తొలి సినిమా కోసం సిక్స్‌ప్యాక్‌ ఫిజిక్‌తోనే కనిపించనున్నాడు. అయితే ఒక్కటే తేడా, తొలి సినిమాలో తేజు స్టైలిష్‌ లుక్‌లో కనిపించగా, వైష్ణవ్‌ తేజ్‌ లుక్‌ మాత్రం విలేజ్‌ కుర్రోడిగా, మాస్‌ అప్పీల్‌లో కనిపిస్తోంది.
